Gujarati News

Gujarati News

News of Saturday, 13th January 2018

ક્રાઇમ બ્રાંચ અને માલવીયાનગરના બે દરોડાઃ ૨૧ બોટલ દારૂ કબ્જે

વિજયસિંહ ઝાલાની બાતમી પરથી મનિષને પકડાયોઃ કોન્સ. રણછોડભાઇએ રાજૂ લીંબડની ધરપકડ કરી

રાજકોટ તા. ૧૩: વિદેશી દારૂના બે દરોડામાં ડીસીબીને ૧૬ અને માલવીયાનગર પોલીસે પાંચ બોટલ સાથે બે શખ્સને પકડી લીધા હતાં.

ક્રાઇમ બ્રાંચના એસીપી જે. એચ. સરવૈયા અને પી.આઇ. એચ. એમ. ગઢવીની રાહબરી હેઠળ પી.એસ.આઇ. ધાંધલીયા, એએસઆઇ વિજયસિંહ ઝાલા, સામતભાઇ ગઢવી, પદુભા, જીજ્ઞેશભાઇ સહિતની ટીમ પેટ્રોલીંગમાં હતી ત્યારે વિજયસિંહ ઝાલાને મળેલી બાતમી પરથી ગાયત્રીનગર મેઇન રોડ ઢોલરીયાનગર-૭માં 'દરિયાલાલ કૃપા' નામના મકાનમાં દરોડો પાડી મનિષ ચંપકભાઇ પૂજારા (ઉ.૨૭)ને રૂ. ૫૭૬૦ના ૧૬ બોટલ દારૂ સાથે પકડી લેવાયો હતો.

જ્યારે માલવીયાનગરના પી.એસ.આઇ. પી.એલ. ધામા, વેલુભા ઝાલા, રણછોડભાઇ આલ સહિતના સ્ટાફે ગોંડલ રોડ વૈદ વાડી પટેલ વિહાર પરોઠા હાઉસ પાસે રવિ ઇન્ડસ્ટ્રીઝ નજીકથી રાજુ ભાઇલાલભાઇ લીંબડ (ઉ.૫૨-રહે. આવધ રેસીડેન્સી, બાપા સિતારામ ચોક, રોયલ એવન્યુ બ્લોક નં. એફ-૧૦૩, મવડી રોડ)ને રૂ. ૧૫૦૦ના પાંચ બોટલ દારૂ સાથે પકડી લીધો હતો.

(1:03 pm IST)
  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • ભરશિયાળે ભરૂચમાં કમોસમી માવઠું : મોડી રાત્રે શહેરના અનેક વિસ્તારોમાં પડ્યા વરસાદી છાટા : વાતાવરણમાં પ્રસરી ઠંડક access_time 11:41 pm IST

  • મધ્યપ્રદેશના ગુના જિલ્લામાં દિગ્વિજયસિંહના ગઢ રાઘોગઢમાં ભાજપ અને કોંગ્રેસના કાર્યકરોની અથડામણ પછી તણાવભરી સ્થિતિ ફેલાય ગઈ છે : તણાવને ધ્યાનમાં રાખીને, સાવચેતીનાં ભાગરૂપે ત્યાં કર્ફ્યૂ લાદી દેવામાં આવ્યો છે : આગામી સપ્તાહે રાઘોગઢમાં મ્યુનિસિપલ ચૂંટણી યોજાવાની છે. access_time 1:37 pm IST