Gujarati News

રાજકોટ : અકિલા રઘુવંશી પરિવાર રાસોતસવમાં જય આધ્યશકિતની આરતીથી માતાના બીજા નોરતાનો આરંભ થયેલ દુંદાળા દેવ વિધ્નહર્તાને યાદ કરીને સંગીતના સૂર સાથે છેડાયા માતાજીનાં ગરબા ધન્ય માં તું જોગણી... ધન્ય માં તું ભવાની... , પાવાગઢથી ઉતાર્યા મહાકાળી રે..., અમે મૈયારા રે ગોકુળ ગામના..., આવી નોરતાની રાત રઢિયાળી..., આલાલીલા વાંસળીયા રે વગાડો... અને યુવા ધનનાં અંગે અંગ માં થનગનાટ વ્યાપી ગયો અને ખેલૈયાઓ ઝુમી ઉઠ્યા હતા.

સમાજનાં દૈનિક ખેલૈયાઓનો ઉત્સાહ વધારવા માટે રઘુવંશી પરિવારના આયોજકો એ એક અગત્યનો નિર્ણય લીધો હતો, કે ખેલૈયાઓ પણ સિલેકશન રાઉન્ડ રમી શકશે અને તેઓને પણ ઇનામોથી પ્રોત્સાહિત કરવામાં આવશે. આના માટે ખેલૈયાઓ એ પોતાનો પાસ ૮ વાગ્યા પહેલાં મેળવવો પડશે.

ગઈકાલે હરીશભાઇ લાખાણી (ડી. એમ. એલ. ગ્રૂપ), શૈલેષભાઈ પાબરી (જલરામ રદ્યુકુલ હોસ્પિટલ), હરીશભાઇ ચાંદરણાં, અશ્વિનભાઈ બગડાઈ, કેતનભાઈ ચાંદરાણી, અશ્વિનભાઈ બુદ્ઘદેવ, રાજુભાઇ જટાણીયા તેમજ દીકરી વ્હાલનાં દરિયા ગુજરાતી સિરિયલની જાણીતી અકટ્રેસ કિંજલ ભટ્ટ તેમજ રિદ્ઘિ દવે ખાસ ઉપસ્થિત રહ્યા હતાં.

નિર્યાયકોની ભૂમિકામાં શીતલ કરિયા, ગૃશા સોઢા, પલક સોઢા, મીરા કાનાણી, જીગ્ના પોપટ એ સેવા આપી હતી અને એ અને બી ગ્રુપના પ્રિન્સ અને પ્રિન્સેસ અનુક્રમે દર્શિત નથવાણી, રીયા બુદ્ઘદેવ, હીર બુદ્ઘદેવ, પલ કારીયા તેમજ એ અને બી ગ્રુપના વેલ ડ્રેસનાં પ્રિન્સ અને પ્રિન્સેસ તરીકે સૌમ્ય અનડકટ, ધીર્વા સેજપાલ, વિધિ કાનાબાર, શ્યામ જગદીશભાઈને મહેમાનો દ્વારા ઇનામોથી નવાજવામાં આવ્યા હતાં.