Gujarati News

Gujarati News

News of Friday, 12th October 2018

મધ્યાહન ભોજન અનાજનાં કૌભાંડમાં પકડાયેલ આરોપીઓના જામીન મંજુર

રાજકોટ, તા. ૧ર :  રાજકોટ શહેરના મધ્યાહન ભોજન યોજનાના ઇન્ચાર્જ નાયબ મામલતદાર દ્વારા રાજકોટના પ્ર. નગરે પોલીસ સ્ટેશનમાં સુચક સ્કુલ શાસ્ત્રી મેદાન ખાતે ચાલતા સેન્ટ્રલાઇઝ ગોડાઉનમાંથી ગત તા. ર-૯-ર૦૧૮ના રોજ આ કામના આરોપીઓ દ્વારા મીલાપીપણું કરી ૧૦૦ ટકા ઘઉં તથા પ૦ ટકા ચોખાના જથ્થાને ૪ર૦, ૧ર૦ (બી) તેમજ આવશ્યક ચીજવસ્તુ ધારાની કલમ ૩(૧), ર (સી) (ડી)(એફ), ૭, ૮ મુજબની ફરીયાદ નોંધાવેલી હતી. જે કામે આ કામના આરોપીઓ કાનાભાઇ વિભાભાઇ અલગોતર (ભરવાડ), લાલાખાન રામાતુલ્લાખાન, નિઝામુદ્દીન અલીહુશેન, અર્જુનસીંગ સીતારામસીંગ શીખની પોલીસ દ્વારા તા. ર/૦૯/ર૦૧૮ના રોજ ધરપકડ કરવામાં આવેલ અને કોર્ટ સમક્ષ રજૂ કરતા તેને તે દિવસથી જેલ હવાલે કરવામાં આવેલ જેને સેશન્સ કોર્ટ દ્વારા જમીન ઉપર મુકત કરવાનો હુકમ ફરમાવેલ છે.

આ કેસની ટુંકમાં હકીકત એવી છે કે રાજકોટ શહેરના મધ્યાહન ભોજન યોજનાના ઇન્ચાર્જ નાયબ મામલતદાર દ્વારા રાજકોટના પ્ર.નગર પોલીસ સ્ટેશનમાં સુચક સ્કુલ શાસ્ત્રી મેદાન ખાતે ચાલતા સેન્ટ્રલાઇઝ ગોડાઉનમાંથી ગત તા. ર/૦૯/ર૦૧૮ના રોજ આ કામના આરોપીઓ દ્વારા મીલાપીપણુ કરી ૧૦૦ ટકા ઘઉ તથા પ૦ ટકા ચોખાના જથ્થાને બારોબાર વેંચી નાખવા અંગેની ફરીયાદ પ્ર.નગર પોલીસ સ્ટેશનમાં આઇ.પી.સી. કલમ ૪૦૬, ૪૦૭, ૪૦૯, ૪ર૦, ૧ર૦ (બી) તેમજ આવશ્કય ચીજ વસ્તુ ધારોની કલમ ૩(૧), ર(સી) (ડી) (એફ), ૭,૮ મુજબની ફરીયાદ નોંધાવેલી હતી.

આરોપીઓ વિરૂધ્ધ આઇ.પી.સી. કલમ ૪૦૯ મુજબના કોઇ તત્વો ફલીત થતા નથી તેમજ વડી અદાલતના રજુ રાખેલ ચુકાદાઓને ધ્યાનમાં લઇ નામ. સેશન્સ જજ પી.કે. સતિષકુમારએ આ કામના આરોપીઓને જામીન ઉપર મુકત કરવાનો હુકમ ફરમાવેલ છે.

આ કામમાં આરોપી વતી એડવોકેટ જીજ્ઞેશ એમ. સભાડ, જાહીદ એન. હિંગોરા રણજીત બી. મકવાણા રોકાયેલા હતા.

(3:36 pm IST)
  • સુરેન્દ્રનગરમાં નર્મદા કેનાલમાં ગાબડા પડવાની ઘટના યથાવત:પાટડી તાલુકાની પળોજણ : સુરેન્દ્રનગરના જેનાબાદ અને રસુલાબાદ વચ્ચે કેનાલમા ગાબડુ:ઝીઝુવાડા શાખા કેનાલમા પડયુ ગાબડું:આજુબાજુ ખેતરોમાં ફરી વળ્યું પાણી.:કેનાલમાં ગાબડુ પડતા હજારો લીટર પાણીનો વેડફાયુ :કપાસના પાકને નુકશાન access_time 5:42 pm IST

  • જામખંભાળિયામાં મારામારીના કેસમાં નગરપાલિકાના પૂર્વ પ્રમુખ -ભાજપના નેતા અને જિલ્લા પંચાયતના સદસ્યના પતિને એક-એક વર્ષની સજા ફટકારતી અદાલત ;છ વર્ષ જુના કેસમાં ભાજપના આગેવાનને સજા ફટકારતા ખળભળાટ access_time 11:16 pm IST

  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST