Gujarati News

Gujarati News

News of Wednesday, 12th May 2021

સીવીલ હોસ્પિટલના ઓકસીજન પ્લાન્ટ માટે ૪ કરોડની ગ્રાન્ટ ફાળવતા ધારાસભ્ય પટેલ-રૈયાણી- સાગઠીયા

રાજકોટ તા. ૧૨ : જીવન રક્ષક એવા પ્રાણવાયુના નવા પ્લાન્ટ માટે વર્ષ ૨૦૨૧-૨૨ ની એક કરોડ પચાસ લાખની ગ્રાન્ટ ધારાસભ્ય ગોવિંદભાઇ પટેલ, ધારાસભ્ય અરવિંદભાઇ રૈયાણીએ તેમજ એક કરોડની ગ્રાન્ટ ધારાસભ્ય લાખાભાઇ સાગઠીયાએ  એમ કુલ રૂ.૪ કરોડની ગ્રાન્ટ સીવીલ હોસ્પિટલ ખાતે નવો ૯ થી ૧૦ ટનનો ઓકસીજન પ્લાન્ટ બનાવવા ફળવેલ છે.

શ્રી પટેલ, શ્રી રૈયાણી અને શ્રી સાગઠીયાએ જણાવેલ છે કે દર્દીઓ માટે ઓકસીજનની આવશ્યકતા રહે છે. ખાસ કરીને કોવિડ-૧૯ ના બીજા રાઉન્ડમાં ઓકસીજનની માંગ ૧૦ ગણી થઇ ગઇ છે. જે ધ્યાને લઇ હોસ્પિટલ એકસપાન્સન અને આગામી જરૂરીયાતને પહોંચી વળવા મુખ્યમંત્રીશ્રીએ પણ પોતાની ગ્રાન્ટ આ નવા પ્લાન્ટ માટે ફાળવેલ છે. જેમાં ચાર કરોડનો વધારી કરી અમે સહભાગી બન્યા. આમ રાજકોટને હવે નવો ઓકસીજન પ્લાન્ટ મળશે.

(4:02 pm IST)
  • મહારાષ્ટ્ર - દિલ્હીમાં રસીની અછતઃ સેન્ટરોને લાગ્યા તાળા : મહારાષ્ટ્રબાદ હવે દિલ્હીએ પણ ભારત બાયોટેકની બનાવેલી 'કોવેકસીન'ની અછતનો દાવો કર્યો છે દિલ્હીના ઉપપ્રમુખ મંત્રી મનીષ સીસોદીયાએ કહયું કે પાટનગરમાં કોવેકસીનનો સ્ટોક પૂર્ણ થઇ ગયો છે. તેથી સેન્ટરને બંધ કરવા પડયા છે. તેઓએ કહયું કે ભારત બાયોટેકે જવાબ આપ્યો છે કે કેન્દ્રના આદેશોથી વિરૂધ્ધ જઇને વેકસીન ઉપલબ્ધ કરાવી શકાય નહી જો કે ભારત બાયોટેકે તે રાજયોની યાદી જાહેર કરી હતી. જેને તેઓએ કેન્દ્રના હસ્તક્ષેપ વગર સીધા વેકસીન સપ્લાય કરી રહ્યું છે. તેમાં દિલ્હીનું નામ પણ સામેલ છે. access_time 3:45 pm IST

  • રાજકોટમાં ૪૦ ડીગ્રી : રાજકોટ શહેરમાં ૧૬ કિ.મી.ની ઝડપે ગરમ પવન ફૂંકાઈ રહ્યા છેઃ હાલ મહત્તમ નોર્મલ તાપમાન ૪૧ ડીગ્રી ગણાયઃ આગામી બે-ત્રણ દિવસ ગરમીનો પારો ૪૧ ડીગ્રી આસપાસ રહેશે તેમ હવામાન શાસ્ત્રીઓ જણાવે છે access_time 3:44 pm IST

  • રાજકોટ એસટી બસપોર્ટ સહિત ડિવિઝનના ૩૦૦ બસ રૂટ ૧૮ મે સુધી બંધ રાખવા વિભાગીય કચેરીનો નિર્ણય : કુલ ૯ ડેપોના કુલ ૫૦૦ રૂટમાંથી ૨૦૦ રૂટ હાલ કાર્યરત access_time 11:29 am IST