Gujarati News

રાજકોટઃ મહિનાઓ કે વર્ષો સુધી તપાસ પૂરી નહીં કરવા બદલ પોલીસ મેન્યુઅલમાં મામુલી દંડથી બેજીક પગાર સુધીના દંડની જોગવાઈ છે રાજકોટના પ્રદ્યુમનનગર પોલીસ મથકમાં હેડ કોન્સ્ટેબલ તરીકે ફરજ બજાવતા પ્રમોદભાઈ જોશી પાસે ૨૦૧૫ ના વર્ષથી અત્યાર સુધીની ૪૫ ગુનાઓની તપાસ પેન્ડીંગ છે આ અંગે અનેક વખત સૂચનાઓ આપવા છતાં પણ તપાસો પૂર્ણ ન થતા ડીસીપી કરણરાજ વાઘેલાએ એક તપાસના ૨૦ હજારના હિસાબે રૂ. ૯ લાખ દંડ ભરવા નોટિસ ફટકારી છે જયારે એએસઆઈ રાણાભાઇ ચીહલાને પણ ૨૩ તપાસો બાકી રાખવા બદલ બેજીક પગાર લેખે રૂ. ૮ લાખથી વધુનો દંડ ફટકારાયો છે નિયમ મુજબ ગુનો નોંધાય ત્યારથી ૧૪ દિવસની અંદર તપાસ અહેવાલ આપવાનો રહે છે હત્યા, લૂંટ, બળાત્કાર કે હત્યાના પ્રયાસ જેવા ગંભીર ગુનામાં આરોપી પકડાઈ ગયા હોય તો ૯૦ દિવસની અંદર ચાર્જસીટ કરવાનું રહે છે જયારે સામાન્ય ગુનામાં ચાર્જસીટની મર્યાદા ૬૦ દિવસની હોય છે તેમ છતાં લાંબા સમય સુધી તપાસો પૂરી ન કરનારા જવાબદાર સામે અધિકારીએ કડક પગલા લેતા પોલીસબેડામાં ચકચાર મચી ગઈ છે.