Gujarati News

રાજકોટઃ આજીડેમ ચોકડીથી માંડા ડુગર તરફ રઘુનંદન પાર્ક બ્લોક નં. ૧૭૮માં રહેતો વિજય કાળુભાઇ વાલાણી (ઉ.૨૩) નામનો કોળી શખ્સ ઘરમાં જૂગાર રમાડતો હોવાની બાતમી મળતાં પી.આઇ. પી.એન. વાઘેલાની રાહબરીમાં પીએસઆઇ એમ. પી. સોનારા, હેડકોન્સ. મહિપાલસિંહ ઝાલા, કનકસિંહ ઝાલા, જયદિપસિંહ, શૈલેષભાઇ સહિતના સ્ટાફે દરોડો પાડી વિજય તથા ભારતનગરમાં રહેતાં વિશાલ કાંતિભાઇ વાલાણી (કોળી) (ઉ.૨૨), સૂરજ સવજીભાઇ વાલાણી (કોળી) (ઉ.૨૧) અને સરધાર સ્વામિનારાયણ મંદિર પાછળ રહેતાં લાલજી મોહનભાઇ લેલા (ભરવાડ) (ઉ.૨૩)ને તિનપત્તીનો જૂગાર રમતાં પકડી લઇ રૂ. ૨૯ હજારની રોકડ કબ્જે લીધી હતી. વિજય નાલ કાઢી જૂગારનો અખાડો ચલાવતો હતો. (૧૪.૭)