Gujarati News

રાજકોટ તા. ૧૨: બાર દિવસ પહેલા ૨૮મીએ સાંજે સાડા સાતેક વાગ્યે કુવાડવા રોડ ગ્રીનલેન્ડ ચોકડી નજીક બીએમડબલ્યુના શો રૂમ સામેના રોડ પર અજાણ્યા વાહનનો ચાલક અજાણ્યા આશરે ૩૨ થી ૩૫ વર્ષના યુવાનને ઠોકરે લઇ ભાગી ગયો હતો. આ યુવાન ગંભીર હાલતમાં સિવિલ હોસ્પિટલમાં સારવાર હેઠળ હતો. તેનું ગત સાંજે મોત નિપજ્યું છે. આ બારામાં બી-ડિવીઝનના પીએસઆઇ કે. આર. ચોટલીયાએ ફરિયાદી બની અકસ્માત સર્જી ભાગી ગયેલા વાહન ચાલક સામે ગુનો નોંધી તપાસ હાથ ધરી છે. તસ્વીરમાં દેખાતાં મૃતકના કોઇ વાલીવારસ હોય તો બી-ડિવીઝન પોલીસનો ફોન ૦૨૮૧ ૨૭૦૬૦૧૮ ઉપર સંપર્ક કરવા જણાવાયું છે. (૧૪.૬)