Gujarati News

રાજકોટઃ કોકોનટ મોશન પિકચર્સ 'હું મારી વાઇફ ને એનો હસબન્ડ' નામની ફિલ્મનું રાજકોટમાં ધમધોકાર શુટીંગ ચાલી રહ્યું છે. નિર્માતા રશ્મિન મજીઠીયા અને દિગ્દર્શક ધર્મેશ મહેતાની આ ફિલ્મમાં છબીકલા અશોક સલીઆનની છે. ફિલ્મમાં બોલીવૂડના ખુબ જાણીતા કોમેડીયન જોની લિવર પણ મિઠાઇવાલા વેપારીનો રોલ ભજવી રહ્યા છે. જોની લિવરના દ્રશ્યોનું શુટીંગ રાજકોટ સહિત દેશ વિદેશમાં સુવિખ્યાત એસએસ મિઠાઇ-નમકીનના આંગણે કરવામાં આવ્યું છે. મવડી રોડ પર આવેલી શિવશકિત ડેરી (એસએસ) મિઠાઇવાળા શ્રી મનસુખભાઇ અકબરી, જગદીશભાઇ અકબરી, બ્રિજેશભાઇ અકબરીએ જોની લિવરને આવકાર્યા હતાં. આ તકે હેમાંગ સગપરીયા, ધર્મેન્દ્રસિંહ ઝાલા (પિન્ટુભાઇ-સહકાર ગ્રુપ) પણ ખાસ હાજર રહ્યા છે. તસ્વીરમાં જોની લિવર સાથે એસએસ મિઠાઇ-નમકિનના કર્તાહર્તા સહિતના જોઇ શકાય છે. સવારે નવ વાગ્યાથી શુટી઼ગ ચાલુ થયું હતું. (ફોટોઃ સંદિપ બગથરીયા)