Gujarati News

રાજકોટ તા. ૧૧ : સ્વચ્છ ભારત મિશન અંતર્ગત આગામી સ્વચ્છ સર્વેક્ષણ-૨૦૨૧ને ધ્યાને લઈને ભાગ સમાજમાં સ્વચ્છતા અંગે જાગૃતિ કેળવવા રાજકોટ મહાનગરપાલિકા દ્વારા સ્વચ્છ હોટલ, સ્વચ્છ સ્કુલ, સ્વચ્છ રેસીડન્સ વેલફેર એસોસિએશન/મોહલ્લા, સ્વચ્છ માર્કેટ એસોસિએશન, સ્વચ્છ હોસ્પિટલ, સ્વચ્છ સરકારી કચેરી જુદી જુદી કેટેગરીમાં સ્વચ્છતા રેન્કિંગ સ્પર્ધાનું આયોજન ઓકટોબર-૨૦૨૦ થી નવેમ્બર - ૨૦૨૦ સુધીમાં કરવામાં આવેલ હતું. સ્વચ્છ રાજકોટ સ્પર્ધામાં ચિત્ર, શેરી નાટક, ભીત ચિત્ર(મ્યુરલ્સ), જિંગલ તથા શોર્ટ મૂવી અલગ અલગ કેટેગરી વાઈઝ નવેમ્બર -૨૦૨૦માં આયોજન કરવામાં આવેલ હતું જે અનુસંધાને વિજેતાઓને સર્ટીફીકેટ આપી સન્માન કરવાનો કાર્યક્રમ આજે તા. ૧૧ ના રોજ મહાનગરપાલિકાની સેન્ટ્રલ ઝોન કચેરી, કોન્ફરન્સ હોલ ખાતે યોજવામાં આવ્યો હતો.

જેમાં મેયરશ્રી બિનાબેન આચાર્ય, શાસકપક્ષ નેતાશ્રી દલસુખભાઈ જાગાણી, દંડકશ્રી અજયભાઈ પરમાર, આરોગ્ય સમિતિ ચેરમેનશ્રી જયમીનભાઇ ઠાકર, સેનિટેશન સમિતિ ચેરમેનશ્રી અશ્વિનભાઈ ભોરણીયા, નાયબ મ્યુનિ. કમિશનરશ્રી એ.આર.સિંહ, પર્યાવરણ ઈજનેરશ્રી નીલેશ પરમાર, નાયબ પર્યાવરણશ્રી વલ્લભ જીંજાળા અને શ્રી દિગ્વિજયસિંહ તુવર વિગેરે ઉપસ્થિત રહ્યા હતા. આ કાર્યક્રમમાં રાજકોટ મહાનગરપાલિકાના મેયરશ્રી સહિતના પદાધિકારીશ્રીઓ અને નાયબ મ્યુનિ. કમિશનરશ્રીના હસ્તે વિજેતાઓને સર્ટીફીકેટ આપી સન્માન કરવામાં આવ્યા હતા.

સ્વચ્છતા રેન્કિંગ સ્પર્ધા ભાગ લેનારને કેટેગરી વાઈઝ સ્વચ્છતાના જુદા જુદા પેરામીટર જેવા કે ઈન્ફ્રાસ્ટ્રકચર, સર્વિસ મેઈન્ટેનન્સ અને લોકોના ફીડબેકના આધારે તથા સ્વચ્છ રાજકોટ સ્પર્ધામાં સ્વચ્છતાની થીમ ઉપર દરેક કેટેગરીમાં પ્રથમ, દ્વિતીય, તૃતીય નંબર આપવામાં આવેલ છે. ઉપરાંત

સ્વચ્છ સર્વેક્ષણ-૨૦૨૧ના પેરામીટર સિટીઝન એન્ગેજમેન્ટ અન્વયે સ્ટાર્ટ અપ કંપની, એન્ટરપ્રીનર, વોલન્ટરી ઓર્ગેનાઈઝેશન, રીલીજીયસ ઇન્સ્ટીટયુટને વિવિધ સંસ્થાને સન્માનિત કરવામાં આવે હતી જેની વિગતો આ મુજબ છે.