Gujarati News

રાજકોટ તા. ૧૧: રેલનગર પાસે સંતોષીનગરમાં રહેતાં લીલાબેન રાજુભાઇ ઉકેડીયા (ઉ.વ.૪૨) સાંજે પડધરીના ન્યારા ગામે પોતાના જેઠ હકાભાઇ સોમાભાઇના ઘરે હતાં ત્યારે બેભાન થઇ જતાં રાજકોટ સિવિલમાં ખસેડાયા હતાં. પરંતુ અહિ મોત નિપજતાં હોસ્પિટલ ચોકીના વાલજીભાઇ નિનામાએ પડધરી પોલીસને જાણ કરી હતી.

મૃતકના પતિ રાજુભાઇ છુટક મજૂરી કરે છે. તેના કહેવા મુજબ થોડા દિવસ પહેલા પત્નિ ઘરે પાણી ભરતી વખતે લપસી પડતાં ઇજા થઇ હતી. હાલમાં થોડા દિવસથી બંને ન્યારા ભાઇના ઘરે આરામ કરવા ગયા હતાં. જ્યાં ગત સાંજે પત્નિ બેભાન થઇ જતાં રાજકોટ ખસેડેલ. પરંતુ દમ તોડી દીધો હતો. પોલીસે વિશેષ તપાસ હાથ ધરી છે.