Gujarati News

Gujarati News

News of Wednesday, 11th September 2019

શાપર વેરાવળમાં ૫૩ કરોડના ખર્ચે ૪૬ કિ.મી.ના પાકા રસ્તા બનાવાયાઃ ફાયર સ્ટેશનનું ખાતમુહુર્ત

શાપર-વેરાવળ ઇન્ડસ્ટ્રીઝ એસો.ની વાર્ષિક સાધારણ સભામાં ડીરેકટરી વિમોચન-શહીદ જવાનોના પરીવારને ચેક વિતરણ

રાજકોટઃ તા.૧૧, શાપર વેરાવળ ઇન્ડસ્ટ્રીયલ એસોશીએશન દ્વારા આજે સાંજે રેજન્સી લગુન રીસોર્ટ (ન્યારી ડેમ, કાલાવડ રોડ) ખાતે વાર્ષિક સાધારણ સભા મેમ્બર ડીરેકટરી ૨૦૧૯ વિમોચન શહીદ જવાનોના પરીવારને ચેક વિતરણ કાર્યક્રમ યોજાયો છે.

હાલમાં એસોસીએશનના પ્રાણ પ્રશ્નો પિવાનું પાણી, ગરીબ માણસો માટે રહેણાંકના મકાનો ભુગર્ભ ગટર, ઔદ્યોગીક ધન કચરાનો નિકાસ પ્રદુષિત પાણીના કારણે થતો રોગચાળો વગેરે માટે રાજય સરકારશ્રીની સહાયથી પ્રશ્નો હલ થાય તેવા પ્રયત્નો ચાલુ હોવાનું તેમજ શાપર વેરાવળમાં ગ્રામ પંચાયતો છે તેને નિયમ મુુજબ નગરપાલીકા મળી શકે તેમ હોય આ માટે રજુઆત કરવામાં આવી હોવાનું યાદીમાં જણાવાયું છે.

ઔદ્યોગીક ઝોન શાપર-વેરાવળ ક્રિટીકલ ઇન્ફાસ્ટ્રકચર ડેવલોપમેન્ટ પ્રોજેકટ અન્વયે એસોસીએશન દ્વારા રૂ.૫૩ કરોડના ખર્ચે ૪૬ કિમીના પાકા સીમેન્ટ રોડ બનાવેલ છે.

ફાયર સ્ટેશન માટે રૂડા તરફથી અંદાજે રૂ.૯ કરોડની જમીન મંજુર થતા મુખ્યમંત્રીશ્રી વિજયભાઇ રૂપાણીના હસ્તે ખાતમૂહુર્ત કરેલ.

ટ્રાફીકની સમસ્યા હલ કરવા માટે શાપર વેરાવળ ચોકડી પાસે ઓવરબ્રીજ તથા પારડી ગામ અને શીતળામાતા મંદિર પાસે અન્ડરપાસ બ્રીજ મંજુર કરાવેલ અને શીતળામાતા મંદિર અન્ડરપાસની ઉંચાઇ ૩.૫ મીટર મંજુર કરેલ તે કેન્દ્રીય મંત્રી મનસુખભાઇ માંડવીયાશ્રીને રજુઆત કરી ૫.૫ મીટર કરી રી ટેન્ડરીંગ કરાવેલ અને આ કામપૂર્ણ થઇ ગયેલ હોવાનું જણાવાયું છે.

શાપર-વેરાવળ ઇન્ડસ્ટ્રીઝ એસો.ની સાધારણસભામાં ચેરમેન શ્રી રમેશભાઇ ટીલાળા, પ્રમુખ શ્રી કિશોરભાઇ પટેલ, ઉપપ્રમુખ શ્રી અમૃતભાઇ ગઢીયા, શ્રી રતીભાઇ સાદરીયા અને સેક્રેટરી શ્રી વિનુભાઇ ધડુક વિ.  ઉપસ્થિત રહેશે.

(4:21 pm IST)
  • ગુજરાતભરમાં મેઘરાજા અનરાધાર : અતિવૃષ્ટિના એંધાણઃ ઝાપટાથી ૮ ઈંચ સુધીના વરસાદ સાથે ૧૧૭ ટકા વરસાદ નોંધાયોઃ ગોલ્ડન બ્રીજની સપાટી ૩૧ ફુટે... શહેરમાં પાણી ઘુસ્યા... કરજણ ડેમના ૭ દરવાજા ખોલાયા... ઉકાઈ ડેમમાંથી ૧.૨૫ લાખ કયુસેક પાણી છોડાતા તાપી ફરી બે કાંઠે.. access_time 11:28 am IST

  • ૯/ ૧૧ હુમલાની ૧૮મી વરસી પર અફઘાનિસ્તાનમાં અમેરિકી દુતાવાસ પર હુમલો : અમેરિકામાં ૧૧ સપ્ટેમ્બર ૨૦૦૧ના રોજ થયેલા ત્રાસવાદી હુમલાના ૧૮ વર્ષ પૂર્ણ થવાના દિવસે અફઘાનિસ્તાનમાં અમેરિકી દુતાવાસ પર એક રોકેટ દ્વારા હુમલો કરવામાં આવ્યોઃ અધિકારીઓએ જણાવ્યું કે જાનમાલનું કોઇ નુકસાન નથી થયું. access_time 1:03 pm IST

  • મોડીરાત્રે રાજકોટના પંચનાથ મંદિર પાસેના એક કોમ્પ્લેક્ષમાં આગ ભભૂકી : ત્રણથી ચાર લોકો કોમ્પ્લેક્ષમાં ફસાયા હોવાની આશંકા : લોકોના ટોળા ઉમટયા : ફાયરબ્રિગેડ દ્વારા આગ પર કાબુ મેળવવા પ્રયાસો access_time 12:30 am IST