Gujarati News

Gujarati News

News of Wednesday, 11th September 2019

કરબલાના શહીદોને શ્રધ્ધાંજલી અર્પિતઃ રાત્રે તાજીયા વિસર્જીત

મહોર્રમ માસમાં આ વખતે પ્રથમવાર વરસાદી માહોલ રહેતા તાજીયાના માતમમાં 'ડોમ'બનાવાયા : રાજકોટમાં ચાલુ વરસાદે પણ જુલુસ - નિયાઝ ચાલુ રહ્યાઃ હિન્દુ મુસ્લીમો ભાવ-વિભોર

રાજકોટ તા.૧૧: છેલ્લા દસ દિવસથી જેની ઉજવણી થઇ રહી હતી તે મહોર્રમ માસમાં અતિ મહત્વનો મહિમાં ધરાવતો ૧૦મી મોર્રમનો દિવસ એટલે કે 'આશૂરા'નો પર્વ ગઇકાલે  શોકમય રીતે મુસ્લીમ સમાજમાં મનાવાયો હતો.

આ આશૂરા પર્વ નિમિત્તે ખાસ કરીને  આ મહોર્રમ માસમાં બનેલા તાજીયાઓ ગઇકાલે પડમાં આવી જે તે રૂટો ઉપર જુલુસ રૂપે ફર્યા હતા. અને ગઇ મોડી રાતે વિસર્જન પામ્યા હતા. રાજકોટ સહિત સૌરાષ્ટ્રભરમાં ગામેગામ કલાત્મક તાજીયાઓ બનાવવામાં આવ્યા હતા. જે બે દિ'ફરીને ગઇ રાતે વિસર્જીત પામ્યા હતા. એ સાથે સર્વત્ર કરબલાના શહિદોની સ્મૃતિમાં ભરપૂર ન્યાઝ -પ્રસાદનુ વિતરણ કરવામાં આવ્યુ હતુ. જેનો હિન્દુ - મુસ્લીમ સમાજે એક સાથે લાભ લેતા ભાઇચારાની ભાવના જોવા મળી હતી. ખાસ તો એ કે, આ વખતે મહોર્રમ માસમાં પ્રથમ જ વાર વરસાદી માહોલ સતત રહેવા પામ્યો હતો. આમ છતા તાજીયાના સંચાલકોએ માતમ સ્થળે મોટા ડોમ બનાવી લીધા હતા. અને માતમમાં પણ તાજીયા ઢાકીને રાખી  વરસાદથી બચાવ્યા હતા.

ડો. અબ્દલ બેલીમએ રાજકોટની આમ હિન્દુ-મુસ્લીમ જનતાનો ખાસ એક યાદીમાં આભાર માન્યો હતો. ઉપરાંત પોલીસ તંત્ર જે સાથ સહકાર આપ્યો તેનો તથા રાજકોટ મ્યુનિ. કોર્પોરેશનના તંત્રના પદાધિકારીઓ તથા નગરસેવકોએ જે જહેમત લઈ પાણી, સફાઈ વગેરેનો સાથ સહકાર આપ્યો તથા જી.ઈ.બી. ના પદાધિકારીઓએ  વીજળી લાઈટની વ્યવસ્થામાં ખામી ન આવવા દેવા માટે જે જહેમત ઉપાડેલ અને ટ્રાફિક વ્યવસ્થામાં સતત સેવા બજાવવા બદલ ટ્રાફિક બ્રાન્ચ અને વ્યવસ્થા બજાવવામાં હોમગાર્ડસ મિત્રોએ જે સેવા બજાવી તે સો કોઈનો રાજકોટના મુસ્લીમો વતી સામાજીક કાર્યકર ડો. બેલીમે એક નિવેદનમાં આભાર માનેલ છે.

(3:30 pm IST)
  • ૧૩મીથી મુંબઇમાં ફરી વરસાદનું જોર વધતુ જશે : મુંબઇમાં ૧૩મી સપ્ટેમ્બર શુક્રવારે બપોરથી રવિવાર ૧૫મી સપ્ટેમ્બર સુધી ભારે વરસાદ પડતો રહેશે તેમ એક ખાનગી વેધર સંસ્થાએ ટ્વીટ કરી જણાવ્યું છે. આ ૩૬ કલાકના સમયમાં (થાણે-નવી મુંબઇ સહિત) ૪ થી ૫ ઇંચ વરસાદ પડવા સંભવ છે. જયારે પશ્ચિમ અને ઉતરના પરાઓમાં ૬ ઇંચથી પણ વધુ વરસાદ પડશે access_time 4:15 pm IST

  • રાત્રે 10-30 વાગ્યે રાજકોટની ભાગોળે કુવાડવાથી નવાગામ વચ્ચે ધીમીધારે વરસાદ ચાલુ : access_time 11:09 pm IST

  • બ્રાયન ટોલએ આર્ટિકલ 370 પર ભારતનું કર્યું સમર્થન : ગિલકિત ને બાલટિસ્તાનને ગણાવ્યો ભારતનો હિસ્સો : યુરોપીય આયોગના પૂર્વ નિર્દેશક બ્રાયન ટોલે જિનિવામાં કહ્યું કે આર્ટિકલ 370 હટાવવાથી કાશ્મીરના લોકોને સમાન આર્થિક અવસર મળશે : સરકારની માફક તેને પણ આશા છે કે કાશ્મીરીઓ માટે સારું પગલું સાબિત થશે access_time 1:19 am IST