Gujarati News

Gujarati News

News of Monday, 11th February 2019

સિવિલ હોસ્પિટલમાં છેડતીના આરોપ સાથે એક શખ્સની ધોલાઇ

રાજકોટઃ સિવિલ હોસ્પિટલમાં આજે બપોરે ઇમર્જન્સી વોર્ડની બરાબર સામે જ એક શખ્સની બીજા એક યુવાને બેફામ ધોલધપાટ શરૂ કરી દેતાં દેકારો મચી ગયો હતો...કેટલાય દિવસથી તું પાછળ પડી ગયો છો, શું છે તારે બોલ હવે...હાલ તું ગાડીમાં બેસ...તને દેખાડી દઉ...આવા ડાયલોગ્સ ધોલાઇ કરનાર યુવાન બોલતો હતો. બીજી તરફ માર ખાનારો શખ્સ 'મારો વાંક શું છે?...શું કારણે મને મારે છે?' એવા સવાલ પુછતો રહ્યો હતો. ધોલાઇ કરનાર યુવાનની સાથે એક આધેડ વયના મહિલા પણ હતાં. લોકોએ કારણ પુછતાં આ મહિલાએ જણાવ્યું હતું કે પોતે દવા લેવા આવે ત્યારે આ શખ્સ સતત પાછળ પાછળ આંટાફેરા કરતો રહે છે. પોતે જે વિભાગમાં જાય ત્યાં પાછળ આવે છે. અંતે પોતાના પુત્રને આજે જાણ કરતાં તેણે રોમિયોગીરી કરનારને આજે રંગેહાથ પકડી લીધો હતો. જેના પર છેડતીનો આરોપ મુકાયો હતો તેને બાઇકમાં બેસાડીને લઇ જવાનો પ્રયાસ પણ ધોલાઇ કરનાર દ્વારા થયો હતો. પરંતુ એ વખતે જ સિકયુરીટી ઇન્ચાર્જને જાણ થતાં માર ખાનાર અને માર મારનાર બંનેને સિકયુરીટી રૂમમાં લઇ જવાયા હતાં. આ મામલે પોલીસને જાણ કરવા તજવીજ થઇ હતી. તસ્વીરમાં ધોલાઇના લાઇવ દ્રશ્યો અને એકઠા થયેલા લોકોના ટોળા જોઇ શકાય છે.

(3:49 pm IST)
  • રાજ્યમાં ગેરકાયદેસર મેડિકલ પ્રેક્ટીસ કરનાર સામે તંત્રની લાલ આંખ : કલોલના સાંતેજમાં આરોગ્ય વિભાગના દરોડા: સાંતેજની શિવા ક્લિનિકમાં તપાસ , બોગસ ડીગ્રીના આધારે ક્લિનિક ચલાવી રહ્યો હતો નકલી ડોક્ટર: પોલીસે ખોટા દસ્તાવેજો સાથે નકલી ડોક્ટરની ધરપકડ કરી access_time 9:28 pm IST

  • વિડીયો : ગતરાત્રે અમરેલીના રાજુલા પાસેના ખેરા ગામે શિકાર કરવા આવેલ એક સિંહણ કુવામાં પડી ગઈ હતી. સિંહણે શીકાર સાથેજ કુવામાં ભૂલથી ઝંપલાવી દીધું હતું હતું. મોડી રાત્રે વનવિભાગે આ સિંહણ માટેનું રેસ્ક્યુ ઓપરેશન શરૂ કર્યું રેસ્ક્યુ ઓપરેશન શરૂ કર્યું ઓપરેશન શરૂ કર્યું હતું. (વિડીયો - સ્પીડ રિપોર્ટ) access_time 3:37 pm IST

  • મહુવા સરાજાહેર લૂંટની ઘટના, કુબેરબાગ વિસ્તારમાં બનાવ, અંદાજે ૫.૫૦ લાખની લૂંટ, મહુવા શહેરભરમાં નાકાબંધી access_time 11:58 pm IST