Gujarati News

રાજકોટ તા. ૧૧ : મકર સંક્રાંત નિમિતે ગૌ માતાને ખીચડો જમાડવાનો મહીમા છે. ત્‍યારે આ મહીમાને લાડવાના રૂપમાં ફેરવી ૪૦ કિલો ઘઉનો લોટ, ૨૦ કિલો બાજરાનો લોટ, ૨૦ કિલો મકાઇનો લોટ, ૨૦ કિલો ચોખાનો લોટ, ૨૦ કિલો જુવારનો લોટ, પ કિલો ચણાદાળ, પ કિલો અડદની દાળ, પ કિલો મગની દાળ, પ કિલો તલ, ૧ કિલો બદામ મિશ્રીત ૨૨૧ કિલો લાડુનો પ્રસાદ બનાવી ગાય માતાઓને જમાડવા જય માતાજી અબોલ જીવ સેવા ટ્રસ્‍ટ દ્વારા આયોજન કરાયુ છે.

જે કોઇ ગૌ પ્રેમી પોતાના વિસ્‍તારમાં આ કાર્ય કરવા ઇચ્‍છુક હોય તેઓને ૨૧ નંગ લાડવાની થેલી નિઃશુલ્‍ક આ સંસ્‍થા તરફથી અપાશે.

લાડુ બનાવવાનો શ્રમયજ્ઞ તા. ૧૩ ના બપોરે ર.૩૦ થી ૬.૩૦ સુધી એરપોર્ટ રેલ્‍વે ફાટક પાસે, રાજકૃતિ એપાર્ટમેન્‍ટ, એફ-૧ ખાતે થશે. શ્રમ યજ્ઞમાં સેવા આપવા ઇચ્‍છુકોને પણ આહવાન કરાયુ છે.

તૈયાર થયેલ લાડુનું વિતરણ રેસકોર્ષ રીંગરોડ, લાઇફ બિલ્‍ડીંગ સામે તા. ૧૪ ના સંક્રાંતના સવારે ૭ થી ૧૦ સુધી કરાશે. સહયોગ આપવા કે વધુ માહીતી માટે મો.૮૯૮૦૫ ૦૧૫૦૩ ઉપર સંપર્ક કરવા દોલતસિંહ ચૌહાણની યાદીમાં જણાવાયુ છે.