Gujarati News

રાજકોટ,તા.૧૦: રાજકોટ સહિત રાજ્‍યમાં આજે રાજકીય પક્ષો દ્વારા અડધા દિવસના બંધની જાહેરાત કરવામાં આવેલી છે. આ દરમિયાન શાળા તેમજ કોલેજો બંધ રહેશે તેવી અફવાઓ પણ ઊડી છે. જે અંગે સ્‍પષ્ટતા કરતા રાજકોટ જિલ્લા વહીવટી તંત્ર દ્વારા જણાવાયુ છે કે, સ્‍કૂલ, કોલેજ બંધની વાતો તેમજ સોશ્‍યલ મીડિયામાં ફરતા મેસેજ ગેરમાર્ગે દોરતા છે. તંત્ર દ્વારા બંધ અંગે કોઈ આદેશ કરેલો નથી.  જ્‍યારે જિલ્લા શિક્ષણ અધિકારીશ્રી દ્વારા જણાવાયું છે કે, હડતાળને પગલે સ્‍કૂલ, કોલેજો બંધ રાખવાનો કોઈ આદેશ થયેલો નથી. રાજકોટ શહેર તેમજ જિલ્લાની શાળાઓ તેમજ કોલેજો રાબેતા મુજબ ચાલુ છે. આ અંગે કોઈ સરકારી આદેશ થયા નથી.