Gujarati News

Gujarati News

News of Saturday, 10th February 2018

અટીકામાં નિર્દોષ સથવારા યુવાન પર હુમલો કરનારા શખ્સોની પોલીસે હવા કાઢી નાંખી

ભકિતનગર પોલીસે અટીકા ત્રિશુલ ચોકમાં ચારેયનું સરઘસ કાઢ્યું

રાજકોટ તા. ૧૦: કોઠારીયા રોડ સ્વાતિ પાર્ક શેરી નં. ૧ બ્લેક નં. બી-૨૦માં રહેતાં સુજીત સવજીભાઇ રાઠોડ (ઉ.૩૫) નામના સથવારા યુવાનને પરમ દિવસે રાત્રે અટિકા ઇન્ડસ્ટ્રીયલ એરિયા ત્રિશુલ ચોકમાં હતો ત્યારે વિજય અશોકભાઇ અત્રેશા અને સાથેના ત્રણ અજાણ્યા શખ્સોએ ઝઘડો કરી ગાળો દઇ લાકડી-ધોકાથી માર મારતાં ફરિયાદ થઇ હતી. આ ગુનામાં ચાર શખ્સો વિજય તથા શુભમ્ રામસુરભાઇ રાબા (ગઢવી) (ઉ.૨૩-રહે. હસનવાડી-૨), યાજ્ઞિક વાલજીભાઇ કોલદ્રા (ઉ.૨૩-રહે. શિવનગર-૪) અને વિજય કાળુભાઇ પઢીયાર (ઉ.૨૦-રહે. હસનવાડી-૨)ની ધરપકડ કરી ગત રાત્રે ચારેયને અટિકા ત્રિશુલ ચોકમાં લઇ જઇ ભકિતનગર પોલીસે આગવી ઢબે જાહેર સરભરા કરી કાયદાનું ભાન કરાવ્યું હતું. ચારેયે હાથ જોડી માફી માંગી હતી.

સુજીત પરમ દિવસે સાંજે સાડા આઠેક વાગ્યે પોતાનું બાઇક હંકારીને ત્રિશુલ ચોકમાંથી નીકળતાં વિજય કોળી અચાનક આડો આવી જતાં સુજીતે પોતાનું બાઇક બ્રેક મારી ઉભુ રાખી દીધુ હતું. એ સાથે જ વિજય ઉશ્કેરાયો હતો અને આ રીતે કેમ ચલાવે છે? કહી ગાળો દઇ ઝઘડો કરી ઢીકા-પાટુ માર્યા હતાં. તેમજ બીજા ત્રણ શખ્સો પણ આવી જતાં તેણે લાકડીના ધોકાથી હુમલો કરી દાદાગીરી, લુખ્ખાગીરી કરી હતી. આ ગુનામાં ચારેયની ધરપકડ કરી પોલીસે હવા કાઢી નાંખી હતી.

(2:44 pm IST)
  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST

  • દિલ્હી સરકારે લાગુ કર્યો આનંદ મેરેજ એકટઃ શિખ સમુદાયનું લગ્નનું રજીસ્ટ્રેશન હવે હિન્દુ મેરેજ એકટને બદલે આનંદ મેરેજ એકટ હેઠળ થશેઃ સરકારે વર્ષો જુની માંગણી પુરી કરી access_time 11:45 am IST