Gujarati News

મતદાન કરવું એ દરેક મતદારની પવિત્ર ફરજ છે. આમ છતાં અમુક લોકો મતદાન પ્રત્યે ઉદાસીન રહેતાં હોય છે. ત્યારે રૈયા રોડ વૈશાલીનગર-૨માં રહેતાં બે વયોવૃધ્ધ ભાઇઓ રમેશભાઇ કે. સોલંકી (ઉ.૭૪) અને નોૈતમભાઇ કે. સોલંકી (ઉ.૮૧) પોતે પેરેલિસિસગ્રસ્ત હોવા છતાં પોતાના પરિવારજનોને સાથે લઇ કૃષ્ણ વિદ્યાલય ખાતે મતદાન કરવા પહોંચી ગયા હતાં અને મતદાન કરી અન્ય મતદારોને મતદાન કરવું જ જોઇએ તેવો પ્રેરણાદાયી સંદેશો આપ્યો હતો. આ બંને વડિલો પી.એસ.આઇ. આર. આર. સોલંકીના પિતાશ્રી અને મોટાબાપુ થાય છે.