Gujarati News

રાજકોટઃ આધુનિક ૨૧મી સદીમાં પણ સ્ત્રી ભ્રૂણહત્યા થતી રહે છે ત્યારે સ્વસ્તિક મહિલા ગૃહ ઉદ્યોગના સ્થાપક સંચાલક અને સમાજસેવિકા વંદિતાબેન પટેલ દ્વારા આ સમસ્યાને નાથવાના પ્રયત્ન રૂપે પારૂલ દેસાઇ લિખિત આત્મજા કાળજા કેરો કટકો પુસ્તક ભાગ ૨ પ્રકાશિત કરવામાં આવ્યું. આ સમારોહમાં ડો.ભાવનાબેન જોશીપુરાએ પ્રેરણાદાયી વકતવ્ય આપી જોમ અને જુસ્સાપૂર્વક સ્ત્રી ભ્રૂણહત્યા અટકાવવા માટે પાંચ પ્રતિજ્ઞા લેવડાવી હતી. સર્વે મહાનુભાવોનું પુસ્તક આપી સન્માન કરવામાં આવ્યુ હતું. આ પુસ્તક નવરાત્રિમાં બાળાઓને લ્હાણીમાં આપી દીકરીને સશકત બનાવવા વંદિતાબેન દ્વારા સમાજને અનુરોધ કરેલ છે. પુસ્તક મેળવવા મો. ૯૭૨૩૪ ૫૭૦૩૮ ઉપર સંપર્ક કરી શકાય છે.