Gujarati News

રાજકોટ,તા. ૯ : શહેરમાં ગઇ કાલે રાત્રે ધુમધડાકા અને વીજળીના ભારે કડાકા ભડાકા સાથે વરસાદ તુટી પડયો હતો. અચાનક જોરદાર વરસાદ આવવાથી વાહન ચાલકોમાં અફડા તફડી મચી ગઇ હતી અને રસ્‍તાઓ ઉપર પાણી ફરી વળ્‍યા હતા.

ગઇ કાલે બપોર. ૧૨ વાગ્‍યાથી આજે બપોરખ ૧૨ વાગ્‍યા સુધીમાં શહેરનો મનપા ચોપડે પોણો ઇંચ વરસાદ નોંધાયો હતો.

ઉપરાંત તેમજ હાલની સિઝનનો કુલ વરસાદ ૭૫૭.૦૦ મી.મી. (૨૯.૮૦ ઇંચ) જેટલો નોંધાયેલ છે.

જ્‍યારે ગઇ કાલે રવિ રત્‍ન પાર્ક શેરી નં.૪, એરપોર્ટ રોડ રામેશ્વર ચોક, નિરંજની સોસાયટી મેઇન રોડ, રોડ, એરપોર્ટ રોડ, એકજાન નગર શેરી નં.૨/૬, બ્‍લોક નં. ૩૩ ઝાડ પડી ગયેલ જે ફાયર બ્રિગેડ શાખા દ્વારા નિકાલ કરવાની કામગીરી કરવામા આવેલ છે.

શહેરને પાણી પુરૂ પાડતા ન્‍યારી ડેમ - ૧ ની હાલની સપાટી ૨૨.૯૬ ફુટ છે. પાણીનો જથ્‍થો ૧૨૪૮.૩૫ MCFT છે. આજી ડેમ - ૧ ની હાલની સપાટી ૨૭.૨૦ ફુટ છે. પાણીનો જથ્‍થો ૮૧૯.૧૦ MCFT છે. ચાલુ વરસાદના સમયે તંત્ર દ્વારા શહેરના જુદા જુદા વિસ્‍તારમા ત્‍વરીત કામગીરી કરી સમયસર પાણીનો નિકાલની કાર્યવાહી કરવામાં આવે છે. તેમજ નાગરીકોની સલામતિ માટે ૪  અન્‍ડરપાસ લક્ષ્મીનગર અન્‍ડરપાસ, મહિલા કોલેજ અન્‍ડરપાસ, રેલનગર અન્‍ડરપાસ, તથા આમ્રપાલી અન્‍ડરપાસ, સંપુર્ણ રીતે કાર્યરત છે.

ગઇ કાલે તા.૮ બપોરે ૧૨થી તા.૯ બપોરે ૧૨ સુધી રાજકોટ શહેરના દરેક ઝોનમાથી મુખ્‍ય કન્‍ટ્રોલ રૂમ ખાતે પﾍમિ ઝોનમાંથી ૩ વૃક્ષો પડવાની ફરિયાદ આવેલ. જેનો ત્‍વરીત નિકાલ કરાયેલ.