Gujarati News

રાજકોટ: તહેવાર સમયે નાના મોટા બુટલેગરો કમાઈ લેવા ઉતરી પડે છે. પણ કેટલાક લેભાગુઓ પણ મેદાનમાં આવે છે. માંડા ડુંગર પાસે રહેતા હિતેષ ઉર્ફે બંટી સવજીભાઈ બાબરીયા નામના શખ્સને ક્રાઇમ બ્રાન્ચ પીઆઇ વી.કે. ગઢવી, પીએસઆઇ એસ.વી. સાખરા, હેફકોન્સ. મોહસીનખાન, મહેશભાઈ મંઢ સહિતની ટીમે વિદેશીના નામે ચાની ભૂકી અને દેશી દારૂમાંથી વિદેશી દેખાય તેવો દારૂ રોયલ ચેલેન્જ બ્રાન્ડની બોટલોમાં ભરી વેચવા નીકળતા પકડી લીધો છે અને વિશેષ તપાસ હાથ ધરી છે. અગાઉ એસઓજીએ પણ આ રીતે બ્રાન્ડેડ નકલી દારૂ બનાવવાનું કૌભાંડ પકડ્યું હતું.