Gujarati News

રાજકોટ:ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર દ્વારા આગામી તા.૧૪ માર્ચ ૨૦૨૩ થી ૨૯ માર્ચ ૨૦૨૩ દરમિયાન ધો. ૧૦ અને ધો. ૧૨ (વિ.પ્ર./સા. પ્ર)ના રીપીટર/પૃથ્થક/ ખાનગી વિદ્યાર્થીઓની જાહેર પરીક્ષા લેવાનાર છે. પરીક્ષાના સુચારૂ આયોજન અને સંચાલન માટે જિલ્લાના સંવેદનશીલ, અતિ સંવેદનશીલ તેમજ તકેદારી રાખવાના ૫૭ કેન્દ્રો ઉપર સંપૂર્ણ સમય માટે વર્ગ-૧ તથા વર્ગ-૨ કક્ષાના તકેદારી અધિકારીની નિમણૂંક કરવામાં આવી છે.

તકેદારી અધિકારીઓ પરીક્ષા કેન્દ્ર પર સતત હાજર રહી કોઈપણ પ્રકારની ગેરરીતિ ન થાય અને પરીક્ષા સુચારૂ રીતે લેવાય તેનું નિરીક્ષણ કરશે તેમ નિવાસી અધિક કલેક્ટરશ્રી રાજકોટ કે.બી.ઠક્કરની યાદીમાં જણાવવામાં આવ્યું છે.