Gujarati News

રાજકોટ,તા. ૯ : રૂખડીયાપરામાં ઘર પાસે પાણી ઢોળવાની ના પાડવા જતા મહિલા પર ઘર સામે રહેતા માતા-પુત્રએ લોખંડના પાઇપ વડે હુમલો કરતા ફરિયાદ થઇ છે.

મળતી વિગત મુજબ રૂખડીયાપરા શેરી નં.૩માં રહેતા રોશનબેન સલીમભાઇ નધામરા (ઉવ.૪૨) સવારે ઘર પાસે હતા. ત્‍યારે ઘરની સામે રહેતી રાધા અને તેનો પુત્ર અંકીતને ઘર પાસે પાણી ઢોળવાની ના પાડતા બંને એ ઉશ્‍કેરાઇ જઇ રોશનબેન સાથે ઝઘડો કરી લોખંડના પાઇપ વડે હુમલો કરતા તેને માથા તથા શરીરે ઇજા થઇ હતી. આ બનાવ અંગે રોશનબેન નધામરાએ પ્રનગર પોલીસ મથકમાં ફરિયાદ નોંધાવતા પોલીસે રાધા અને તેના પુત્ર અંકિત સામે ગુનો દાખલ કરી તપાસ હાથ ધરી છે.