Gujarati News

આજ રોજ રાજકોટ જિલ્લાના રીબડા ગામના રેલ્વે સ્ટેશન પાસે ટ્રેનની હડફેટે એક સાથે ૧૧ ગૌમાતા ઓ આવી જતા હાહાકાર મચી ગયો. ૬ ગૌ વંશના સ્થળ પર જ મૃત્યુ થયા. 

 

ઘટનાની વિગતો મળતા જ શ્રી કરુણા ફાઉન્ડેશન ટ્રસ્ટ એનિમલ હેલ્પલાઇનના નિષ્ણાંત તબીબોની ટીમ રેસ્ક્યુ અને બચાવ માટે તાત્કાલીક રીબડા સ્ટેશન પહોંચી ગઈ. બચી ગયેલા ૫ ગૌવંશને તાત્કાલીક સ્થળ પર જ સઘન સારવાર આપી બચાવી લેવામાં આવ્યા અને વધુ સારવાર માટે શ્રી કરુણા ફાઉન્ડેશન ટ્રસ્ટના એનિમલ શેલ્ટરમાં શિફ્ટ કરવામાં આવ્યા. 

 

હાલ આ પાંચેય ગૌવંશની તબિયત સુધારા પર છે અને બચી ગયેલ છે. રેલ્વે પ્લેટફોર્મ પર જ ચાર કલાક સુધી બચાવ કાર્ય અને સારવાર કાર્ય ચાલ્યુ હતું.*