Gujarati News

Gujarati News

News of Tuesday, 9th March 2021

બહેનની બહેનપણીને અજય દૂધરેજીયાએ લવલફરામાં ફસાવી વારંવાર દેહ અભડાવ્યો

મંછાનગરના ૨૧ વર્ષના શખ્સને બી-ડિવીઝન પોલીસે ચોટીલાના રાજપરાથી પકડી લીધોઃ બળાત્કાર-પોકસો હેઠળ કાર્યવાહી

રાજકોટ તા. ૯: જુના માર્કેટ યાર્ડ પાસે મંછાનગર-૮માં રહેતાં મુળ ચોટીલાના રાજપરાના અજય ભૂપતભાઇ દુધરેજીયા નામના ૨૧ વર્ષના શખ્સ વિરૂધ્ધ તેની જ બહેનની સગીર વયની બહેનપણીને લવલફરામાં ફસાવી અવાર-નવાર દેહ અભડાવતાં બી-ડિવીઝન પોલીસ સુધી મામલો પહોંચતા બળાત્કાર-પોકસોની કલમો હેઠળ ગુનો નોંધી તેને તેના વતનથી પકડી લીધો છે.

બનાવ અંગે પોલીસે સગીરાના માતાની ફરિયાદ પરથી અજય સામે આઇપીસી ૩૭૬ (૨) એન, ૫૦૬ (૨) તથા પોકસો હેઠળ કાર્યવાહી કરી છે. ફરિયાદમાં જણાવાયું છે કે તા. ૧ના રોજ પતિ બહારગામ હતાં ત્યારે પોતે અને પુત્રી કામે ગયા એ વખતે પુત્રીએ વાત કરી હતી કે અજય દૂધરેજીયા તેને બ્લેકમેઇલ કરે છે. આથી ઘરે જઇ વધુ વાત કરવાનું કહેતાં તેણીએ ઘરે આવ્યા બાદ જણાવ્યું હતું કે એકાદ વર્ષથી તેને અને અજયને પ્રેમસંબંધ હતો. પોતે ઘરે એકલી હોઇ ત્યારે અજય આવીને બળજબરીથી શરીર સંબંધ બાંધી લેતો હતો. પોતે ના પાડે તો મારી નાંખવાની અને બદનામ કરવાની ધમકી આપતો હતો. ગત ૨૮મીએ પણ ફરીથી બળજબરી કરી લીધી હતી.

દિકરીની આ વાત સાંભળી માતાએ પતિ સહિતને વાત કર્યા બાદ પોલીસ ફરિયાદ નોંધાવતા ડીસીપી પ્રવિણકુમાર મીણા, એસીપી એસ.આર. ટંડેલની રાહબરીમાં પીઆઇ એમ. બી. ઓૈસુરા, પીએસઆઇ બી. બી. કોડીયાતર, વિરમભાઇ ધગલ, રશ્મીનભાઇ પટેલ, સલિમભાઇ, મનોજભાઇ સહિતે ગુનો નોંધી તપાસ શરૂ કરતાં આરોપી તેના વતન ચોટીલાના રાજપરા ગામે જતો રહ્યાની માહિતી મળતાં ત્યાંથી દબોચી લીધો હતો. તે ઇમિટેશનનું કામ કરે છે. તેના પિતા હયાત નથી. માતા સહિતના પરિવારજનો સાથે તે રહે છે.

(11:24 am IST)
  • સાંજે ૪:૩૦ વાગ્યે ઉત્તરાખંડના ભાજપના મુખ્યપ્રધાન ત્રિવેન્દ્રસિંહ રાવતે અંતે રાજીનામુ આપી દીધુ છે : તેમના સ્થાને મોટાભાગે અનિલ બલૂની મોખરે દોડે છે : વિકલ્પે ધનસિંહ રાવતનું નામ પણ ચર્ચામાં છે access_time 4:33 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11 વાગ્યા સુધીમાં કોરોનાના નવા 18, 433 કેસ નોંધાયા :કુલ કેસની સંખ્યા 1,12,29,054 થઇ :એક્ટિવ કેસ 1,85,932 થયા વધુ 14,051 દર્દીઓ સ્વસ્થ થતા કુલ 1,08,80,628 થયા :વધુ 86 લોકોના મોત સાથે કુલ મૃત્યુઆંક 1,57,879 થયા: દેશમાં સૌથી વધુ મહારાષ્ટ્રમાં નવા 11.141 નવા કેસ નોંધાયા access_time 12:05 am IST

  • મુંબઇ શહેરમાં આજે કોરોના ઇન્‍ફેકશનના નવા ૧,૦૦૮ કેસ નોંધાયા છે, પરંતુ વાસ્‍તવિક ચિંતાના સમાચાર ધારાવી તરફથી આવી રહ્યા છે : આજે ધારાવી ઝુંપડપટ્ટી વિસ્‍તારમાં ૧૮ પોઝિટિવ કેસ નોંધાયા છે : છેલ્લે ૨૩ ઓક્‍ટોબર, ૨૦૨૦ના રોજ ચાર મહિના પહેલા આ વિસ્‍તારમાં ૧૮ કેસ નોંધાયા હતા access_time 11:32 am IST