Gujarati News

રાજકોટઃ ગુજરાત વિધાનસભાની ચૂંટણીમાં બન્ને પક્ષોએ સોશ્યલ મીડિયામાં પ્રચાર જોરશોરથી શરૂ કર્યો છે ત્યારે તાજેતરમાં સોશ્યલ મિડિયામાં રાજકોટ-૬૯નાં કોંગ્રેસનાં ઉમેદવાર ઇન્દ્રનીલભાઇ રાજગુરુને ઉતારી પાડવા માટે નિમ્ન સ્તરની, દ્રિઅર્થી અને અપમાજનક વિગત પ્રસિધ્ધ કરી બ્રાહ્મણ સમાજની લાગણીને ઠેસ પહોંચાડવામાં આવી રહી છે ત્યારે 'રાજકોટ કા બેટા-ગુજરાત કા નેતા' નામનાં ફેસબુક પેજ પર ઇન્દ્રનિલ રાજગુરુને ઉતારી પાડવાનાં ઇરાદે પ્રસિધ્ધ કરાયેલ ટીપ્પણીઓ અંગે તપાસ કરાવી જવાબદારો સામે પગલા લઇ આ ટીપ્પણી કરનાર લેખીતમાં માફી માંગે તે  અંગે બ્રાહ્મણ અધિકાર સમિતિ દ્વારા કલેકટરને આવેદન પત્ર પાઠવી યોગ્ય કરવા રજૂઆત કરવામાં આવી હતી. ઉપરોકત તસ્વીરમાં સમિતિનાં આગેવાનો નજરે પડે છે.