Gujarati News

Gujarati News

News of Monday, 8th July 2019

ખેડૂતો માટે માઠા સમાચાર

૨૦ દિ' સુધી સાર્વત્રિક વરસવાનો નથી : સિવાય કે નસીબજોગે કયાંક-કયાંક હળવો વરસી જાય

મોન્સુન ટ્રફ નોર્મલથી ઉત્તર તરફ ગતિ કરે છેઃ આંધ્ર અને ઓરીસ્સાના દરિયામાં સિસ્ટમ્સ બને તો સૌરાષ્ટ્ર-કચ્છમાં ચાન્સ લાગે : પવનનું જોર પણ નેગેટીવ પોઈન્ટ

રાજકોટ, તા. ૮ : છેલ્લા કેટલાય સમયથી વરસાદની રાહ જોઈ બેસેલા અને ખાસ કરીને ખેડૂતો માટે માઠા સમાચાર છે. આવતા વિસેક દિવસ એટલે કે લગભગ આ આખા મહિનામાં ભારે કે સાર્વત્રિક વરસાદની કોઈ જ સંભાવના નથી. સિવાય કે નસીબજોગે કોઈ કોઈ વિસ્તારોમાં હળવો વરસાદ પડી જાય. હાલમાં મોનસુન ટ્રફ પણ નોર્મલથી ઉત્તર દિશામાં ગતિ કરે છે એટલે કે કોઈપણ સિસ્ટમ્સ બને તો તે પણ ઉત્તર દિશામાં ગતિ કરે. આંધ્રપ્રદેશ કે ઓરીસ્સાના દરિયા કિનારે સિસ્ટમ્સ બને તો તે સૌરાષ્ટ્ર-કચ્છને વરસાદનો લાભ મળે.

હાલમાં પવનો પણ મજબૂત બન્યા છે. જે એક નેગેટીવ ઈફેકટ છે. દિવસેને દિવસે પવનનું જોર વધતુ જશે. સૌરાષ્ટ્ર - કચ્છમાં નિરાશા સાંપડે તેવી હાલની પરિસ્થિતિ છે. તાજેતરમાં એક સિસ્ટમ્સ બની હતી પણ તે એમ.પી. સુધી જ પહોંચી. આ સિસ્ટમ્સની અસરથી એમ.પી.ની બોર્ડરવાળા વિસ્તારો એટલે કે દક્ષિણ ગુજરાતમાં મુશળધાર વરસાદ પડી ગયો. આજથી વરસાદની માત્રા ઘટશે. દરમિયાન સૌરાષ્ટ્ર - કચ્છમાં છુટોછવાયો વરસાદ પડશે. ભારે કે સાર્વત્રિક વરસાદની કોઈ જ સંભાવના નથી. સિવાય કે છુટોછવાયો વરસી જાય. પવનનું જોર રહેશે. મોનસુન ટ્રફ પણ નોર્મલથી ઉત્તર બાજુ રહે છે. જેથી ચોમાસુ બેસી જાય તો પણ ઉત્તર દિશામાં ગતિ કરે. આંધ્ર અને ઓરીસ્સાના દરિયાના વિસ્તારોમાં સિસ્ટમ્સ બને તો સૌરાષ્ટ્ર - કચ્છને ફાયદો અપાવે પરંતુ આગામી વિસેક દિવસ તો હજુ રાહ જોવી પડશે.

 

(12:00 pm IST)
  • ખોરાકની ગુણવતાને લઇને રાજધાની ટ્રેનના મુસાફરો અસંતુષ્ટ :આઈઆરસીટીસીના સર્વેમાં ખુલાસો : રેલવે તંત્રની કેટલીય કવાયતો છતાં તમામ ટ્રેનમાં ભોજનની વ્યવસ્થા સુધરી નથી : એક્સપ્રેસ ટ્રેનોમાં ભોજન ગુણવતા અંગે સવાલ ઉઠતા રહ્યા છે ;સર્વે મુજબ રાજધાનીના ખોરાકને લઇને પણ યાત્રિકો સંતુષ્ઠ નથી access_time 12:50 am IST

  • જન્મટીપના ૨ કેદી જેલ તોડી ભાગ્યઃ એક ટ્રેન નીચે કપાયો: જેલમાંથી બે કેદી ફરાર : એકનું ટ્રેન નીચે કપાઈ જવાથી મોત : બીજો ભાગવામાં સફળઃ ચાર જેલકર્મી સસ્પેન્ડ ; ઇટાવાની જિલ્લા જેલમાંથી ઉમરકેદની સજા પામેલા આ બે કેદીઓ ફરાર થયા'તા access_time 11:32 am IST

  • દેશના તમામ જિલ્લાઓમાં માનવાધિકાર અદાલતોની બનાવવા મામલે સુપ્રીમકોર્ટે ફટકારી કેન્દ્ર સરકારને નોટિસ :તમામ જિલ્લામાં માનવાધિકાર કોર્ટની સ્થાપના માટેની અરજી પર સુપ્રીમ કોર્ટે તમામ રાજ્યો,કેન્દ્ર શાસિત પ્રદેશપાસેથી જવાબ માંગ્યો access_time 12:56 am IST