Gujarati News

Gujarati News

News of Monday, 8th March 2021

તેલના ભડકે બળતા ભાવના લીધે નમકીનના ઉત્પાદકોની દયનિય સ્થિતિઃ કેટલાક તો બંધ થવાના આરે

પામોલીન તેલમાં આજે પણ આગ ઝરતી તેજી રૂ.૧૯૧૦ થી ૧૯૫૦ ડબ્બે પહોંચી ગયાઃ તેલના ઉત્પાદકો એડવાન્સમાં ઓર્ડર લેતા નથી, મસાલાના ભાવ પણ આસમાને

રાજકોટ,તા.૮: મોંઘવારીએ માઝા મુકી છે. પેટ્રોલ, ડીઝલના ભાવ દીન પ્રતિદીન વધી રહ્યા છે. પ્લાસ્ટીકમાં પણ ભાવ વધારો થાય છે. તો તેલના તો અત્યાર સુધીમાં સૌથી વધુ ભાવોમાં વધારો થયો છે. ગૃહીણીઓમાં દેકારો બોલી ગયો છે. તેઓનું બજેટ અસ્તવ્યસ્ત બની ગયું છે.  તેલના ભાવો વધતા તેનાથી બનતી દરેક વસ્તુઓમાં પણ ભાવો વધી રહ્યા છે. જેની સૌથી વધુ અસર નમકીનના ઉત્પાદકો ઉપર પડી છે. કેટલાય કારખાના બંધ થઈ ગયા છે અથવા તો બંધ થવાના આરે છે.

પામોલીન તેલમાં પણ આગઝરતી તેજી જોવા મળી રહી છે. આજે ડબ્બાનો ભાવ રૂ.૧૯૧૦ થી ૧૯૫૦ છે. તેલના ભાવમાં દિનપ્રતિદિન વધારો થઈ રહ્યો હોય નમકીનના વેપારીઓની હાલત દયનિય બની છે. ન છુટકે નમકીનના ઉત્પાદકોને પણ ભાવવધારો કરવો પડી રહ્યો છે. તેલના વેપારીઓ હવે એડવાન્સમાં ઓર્ડર લેવાનું પણ બંધ કરી દીધું છે. નમકીનના નાના કારખાનાવાળાઓ તો બંધ થવા લાગ્યાના અહેવાલો મળી રહ્યા છે. તો અમુક કારખાનાઓ બંધ થવાના આરે છે.

તેવી જ રીતે પ્લાસ્ટીકના ભાવ પણ ૨૫૦ રૂ. પહોંચી ગયા છે તો નમકીનમાં ઉપયોગમાં લેવાતા મસાલાના ભાવ પણ આસમાને પહોંચી ગયા છે. બજારમાં એક ટ્રેન્ડ શરૂ થયો છે. એડવાન્સમાં કોઈ ઓર્ડર લેવાતા નથી.

(5:05 pm IST)
  • વિધાનસભાની ચૂંટણી સમયસર જ યોજાશે : વિજયભાઈ : ગુજરાતમાં વિધાનસભાની ચૂંટણી વ્હેલાસર યોજાશે તેવા સમાચારો વહેતા થયા હતા. આ અંગે મુખ્યમંત્રી વિજયભાઈ રૂપાણીએ વ્હેલી ચૂંટણીને નકારી કાઢતા જણાવ્યું હતું કે ગુજરાતમાં વિધાનસભાની ચૂંટણી સમયસર જ યોજાશે access_time 4:58 pm IST

  • અખિલ ભારતીય સાધુ સમાજના સદસ્ય, કચ્છ સાધુ સમાજના અધ્યક્ષ અને નાથ સંપ્રદાય સાથે જોડાયેલ કચ્છના યોગી શ્રી પૂજ્ય દેવનાથ યોગીજી એ આજે કોરોના રસી નો પ્રથમ ડોઝ લીધો access_time 8:45 pm IST

  • સંઘ પ્રદેશના દમણમાં આજે રવિવારે એકી સાથે 9 જેટલા કોરોનાનાં પોઝિટિવ કેસ સામે આવતા આરોગ્ય વિભાગ દોડતું થયું access_time 11:31 pm IST