Gujarati News

રાજકોટ, તા.૮:  શહેરના વોર્ડ નં.૦૨માં જાગૃત કોર્પોરેટર દ્વારા 'સૌ નો સાથ સૌ નો વિકાસના' સુત્ર સાથે લોક ઉપયોગી વિસ્તારના જુદા જુદા કામો મંજુર કરાવી કરવામાં આવે છે તેવા જ એક ભાગરૂપે વોર્ડ નં.૨માં એરપોર્ટ રોડ પર રાજકૃતિ એપાર્ટમેન્ટ પાછળ વોકળો પાકો કરવા વિસ્તારવાસીઓની રજુઆતને ધ્યાને લઇ વોર્ડ નં.૨ના કોર્પોરેટરશ્રીઓ દ્વારા અંગત રસ લઇ આ વોંકળાને પાકું કરવાના કામને મંજુર કરાવામાં આવેલ છે.

એરપોર્ટ રોડ પર રાજકૃતિ એપાર્ટમેન્ટ પાછળના વોકળો પાકો થતા ચોમાસામાં પાણી ભરાવાના પ્રશ્નનો ઝડપથી નિકાલ થશે. આ વોકળા પર પાકું (સ્ટ્રેન્ધનીંગ) કામ કરવામાં આવશે તેમ ડો. દર્શિતાબેન શાહ, મનિષભાઇ રાડિયા, જયમીન ઠાકર તથા સોફીયાબેન દલએ જણાવ્યું હતું.