Gujarati News

જૂનાગઢ તા.૮: શહેરમાં હમણાં તસ્કરોએ પડાવ કર્યો હોય તેમ ગાયત્રી મંદિરમાં થયેલી ચોરીનાં તસ્કરો હજુ પકડાયા નથી ત્યાં જગદીશ મનહરભાઇ મદનાણીનાં ફલેટમાં તસ્કરોએ તરખાટ મચાવ્યો હતો.

શહેરમાં લક્ષ્મીનગર ખાતેનાં એોમ નમઃ શિવાય એપાર્ટમેન્ટનાં પહેલા માળે બ્લોક નં. ૧૦૧માં રહેતા જગદીશભાઇ મદનાણી તા. ૬ના રોજ ફલેટને તાળા લગાવીને પરિવાર સાથે લગ્ન પ્રસંગમાં ગયા હતાં. ત્યારે સવારનાં ૭ થી બપોરનો બે વાગ્યા સુધી બંધ રહેલા ફલેટનાં દરવાજના તાળા તોડીને તસ્કરો ઘરમાં પ્રવેશ્યા હતાં.

બાદમાં કબાટના તાળા તોડીને રૂ. ૮૦ હજારની રોકડ, ચાંદીના ગણેશ, વાટકો અને સાંકળા સહિત રૂ. ૮૬ હજારની કિંમતના મુદ્દામાલનો હાથફેરો કરીને તસ્કરો નાસી ગયા હતાં.

આ અંગે બી ડીવીઝન પોલીસે ફરિયાદ લઇને તપાસ હાથ ધરી છે.(૧.૨૦)