Gujarati News

રાજકોટ, તા. ૭ :  સરકાર પેટોલ-ડીઝલ-ગેસનો બાટલો બેફામ ભાવો વધાર્યા હવે કેરોસીનને પણ મુકયું નથી અને આ ચાલુ જુલાઇમાં ફરી ભાવ વધારો ગરીબોમાં સીસકારા મચી ગયા છે.

રાજકોટ શહેર-જીલ્લામાં ભાવ વધારોનો  ઠીક આ વખતે પણ ફાળવણીમાં ૧.૦૯ ટકા એટલે કે ૧ કે.એલ.નો કાપ મુકી દીધો છે, કેરોસીનમાં છેલ્લા ૭ મહિનામાં ૧૭.૯૭ ટકાનો કાપ મુકાયો છે, જાન્યુઆરી ર૦ર૧ માં ૯૬.૬૦ ટકા સામે જુલાઇ-ર૦ર૧માં ૬૮.૬૩ ટકાની ફાળવણી જાહેર થઇ છે, સામે ભાવ વધારો ઝીંકાયો તે લટકામાં !!

આ વખતે પણ ચાલુ મહિનામાં ગરીબોના કેરોસીનમાં લીટરે ૧ રૂપિયો અને ૮૦ પૈસાનો વધારો ઝીંકાયો છે, પ લીટર કેરોસીન મેળવતા પરિવારને આ માસથી ૯ રૂપિયાનો ડામ ઝીંકાશે.

કેરોસીનમાં સરકાર દર મહિને ભાવ વધારો કરી રહી છે, જાન્યુ-ર૦ર૧ થી જુલાઇ ર૦ર૧ સાત મહિનામાં તોતીંગ કહી શકાય તેમ લીટરે ૧૧ રૂપિયા વધી ગયા છે, આ વખતે ૪ હજાર કિલોલીટરની ફાળવણી ઓછી છે.