Gujarati News

રાજકોટ તા. ૭ : જિલ્લા સહકારી બેંકની ચૂંટણીમાં વર્તમાન શાસક જયેશ રાદડિયા જુથના લગભગ તમામ ડીરેકટરને ફરી ઉમેદવાર બનાવવામાં આવ્યા છે. તમામે ઉમેદવારો ગુરૂવારે ફોર્મ ભરશે જયેશ રાદડિયા પોતે રૂપાંતર વિભાગમાં લડશે તેની જગ્યાએ કંડોરણા ખેતીની બેઠકમાં તેના ભાઇ લલિત રાદડિયાને લડાવવાનું નકકી થયું છે. બપોર સુધીમાં ૧૭ પૈકી ૧૪ બેઠકના નામ નકકી થઇ ગયા છે. રાજકોટ તાલુકા, શરાફી વિભાગ ગ્રામ્ય, વાંકાનેર બેઠકના નામ સાંજ સુધીમાં જાહેર થઇ જશે. રાજકોટ તાલુકાની બેઠક માટેખેંચતાણ લાગે છે. વર્તમાન ડીરેકટર નથુભાઇ શીંગાળા, ઉપરાંત શૈલેષ ગઢિયા, ડી.કે. સખિયા અને વિજય સખિયાના નામ ચાલે છે. આખરી નિર્ણય જયેશ રાદડિયા પર છોડાયો છે. બેંકની લગભગ તમામ બેઠકો બીનહરીફ થઇ જશે જાહેરાત પૂર્વેના બેંકના નિશ્ચિત મનાતા ઉમેદવારો નીચે મુજબ છે.