Gujarati News

Gujarati News

News of Thursday, 7th June 2018

જૈન મોટા સંઘના આંગણે

રાષ્ટ્રસંત પૂ.નમ્રમુનિ મ.સા.ના બ્રહ્મનાદે રવિવારે મહા પ્રભાવક શ્રી ઉવસગ્ગહરં સ્તોત્રની જપ સાધના

રાજકોટ,તા.૭: અનેક અનેક આત્માઓ જેમના નાભિના નાદથી પ્રગટતાં પરમાત્મા પાર્શ્વનાથની ઉત્કૃષ્ટ સ્તુતિ સ્વરૂપ મહા પ્રભાવક શ્રી ઉવસંગ્ગહરં સ્તોત્રનું શ્રવણ કરીને તન- મન અને જીવનને શાંત, સ્વસ્થ અને સમાધિમય બનાવી રહ્યા છે એવા સિદ્ધિના સાધક રાષ્ટ્રસંત પૂજય ગુરૂદેવ શ્રી નમ્રમુનિ મહારાજ સાહેબના શ્રી મુખેથી આ અદભુત સ્તોત્રની જપ સાધનાનું આયોજન શ્રી વિરાણી પૌષધશાળાના આંગણે કરવામાં આવ્યું છે.

ગુજરાત રત્ન પૂ.શ્રી સુશાંતમુનિ મ.સા. રાષ્ટ્રસંત પૂ.શ્રી નમ્રમુનિ મ.સા. પૂ.શ્રી પિયુષમુનિ મ.સા., પૂ.શ્રી ચેતનમુનિ મ.સા., પૂ.શ્રી વિનમ્રમુનિ મ.સા. તેમજ પૂ.શ્રી પવિત્રમુનિ મ.સા. આદિ છ સંતોની સાથે પૂ.શ્રી ભદ્રાબાઈ મહાસતીજી આદિ, પૂ.વિરમતીબાઈ મહાસતીજી આદિ, ડો.પૂ.શ્રી ડોલરબાઈ મહાસતીજી આદિ ઠાણા મળીને ૪૧ સંતો- સતીજીઓ રવિવારે તા.૧૦ના સવારના ૬:૩૦ કલાકે ધર્મવત્સલ નટુભાઈ શેઠના એ.એન. એસ પ્રા.લી, અર્હમ ફાયનાન્શીયલ સેન્ટર, સ્ટાર ચેમ્બર્સ સામે, હરીહર ચોક, પંચનાથ મેઈન રોડથી વિહાર કરીને ૭:૧૫ કલાકે શ્રી વિરાણી ર્પૌષધશાળા, પેલેસ રોડ, કોઠારીયા નાકા, ખાતે પધારશે.

રાષ્ટ્રસંત પૂ.શ્રીના શ્રી મુખેથી ૭:૧૫ કલાકે શ્રી ઉવસગ્ગહરં જપ સાધના કરાવ્યાં બાદ ૭:૪૫થી ૮:૩૦ કલાક દરમ્યાન રાષ્ટ્રસંત પૂજય શ્રીના શ્રી મુખેથી મૌલિક શૈલી અને મધુર વાણીમાં 'આર્થિક અને આધ્યાત્મિક સમૃદ્ધિના કારણો' આ વિષય પર મનનીય પ્રવચન ફરમાવવામાં આવશે. પ્રવચન બાદ ભાવિકો માટે ગૌતમ પ્રસાદનું આયોજન કરાવમાં અવ્યું છે.

રાષ્ટ્રસંત પૂજય શ્રીની દીક્ષાભૂમિ, પૂજય શ્રી પિયુષમુનિ મહારાજ સાહેબની વડી દીક્ષાભૂમિ અને અનેક અનેક આત્માઓએ જે ભૂમિ પાવન પવિત્ર બનાવી છે એવા શ્રી વિરાણી પૌષધશાળા આંગણે તન- મનને સ્વસ્થ કરનારી અને આત્મિક ઉન્નતિ કરાવનારી આ પ્રભાવક જપ સાધનામાં સહુ ભાવિકોએ શ્વેત વસ્ત્ર પરિધાન કરીને આવવા સંઘપ્રમુખ ઈશ્વરભાઈ દોશીની યાદીમાં જણાવવામાં આવ્યું છે.

(4:03 pm IST)
  • આવતા ૭૨ કલાકમાં દક્ષિણ સૌરાષ્ટ્ર અને દક્ષિણ ગુજરાતમાં વરસાદની આગાહી access_time 12:33 pm IST

  • પેટ્રોલ -ડીઝલના ભાવમાં વણથંભ્યો ઘટાડો ચાલુ ;કાલે ગુરુવારે પેટ્રોલ ડીઝલમાં સતત નવમા દિવસે ભાવ ઘટશે:બુધવારે પેટ્રોલ -ડીઝલમાં લીટરે 8થી 10 પૈસાનો વધુ ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,91 રૂપિયા અને ડીઝલનો ભાવ લિટરે 73,86 રૂપિયા થશે :રાજ્ય પ્રમાણે કરવેરા અલગ થશે:છેલ્લા આઠ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:21 am IST

  • કોંગ્રેસના ૨૩ કોર્પોરેટરો સસ્પેન્ડ : પાટણના નગરપાલીકાના મેન્ડેટના ઉલ્લંધનના મામલે પ્રદેશ કોંગ્રેસ દ્વારા બાગી ૨૩ કોર્પોરેટરને સસ્પેન્ડ કરાયા access_time 4:05 pm IST