Gujarati News

Gujarati News

News of Sunday, 7th March 2021

શ્રી ખોડલધામ મહિલા સમિતિ દ્વારા

સોમવારે મહિલા દિને સંગીત સંધ્યા- મહિલાઓનું સન્માનઃ મહાનુભાવોની હાજરી

રાજકોટઃ શ્રી ખોડલધામ ટ્રસ્ટ-કાગવડના નેજા હેઠળ કાર્યરત શ્રી ખોડલધામ મહિલા સમિતિ-રાજકોટ દ્વારા આ વર્ષે પણ ૮ માર્ચે વિશ્વ મહિલા દિવસની ઉજવણી પ્રસંગે રાજકોટના શ્રી સરદાર પટેલ ભવન ખાતે બપોરે ૩ વાગ્યાથી સંગીત સંધ્યાનો કાર્યક્રમ યોજાશે, સાથે જ વિવિધ ક્ષેત્રમાં પોતાનું યોગદાન આપનાર મહિલાઓનું સન્માન કરવામાં આવશે.

કાર્યક્રમમાં શ્રી ખોડલધામ ટ્રસ્ટ-કાગવડના ચેરમેનશ્રી નરેશભાઈ પટેલ તેમજ રાજકોટ જિલ્લા કલેકટરશ્રી રેમ્યા મોહન, રાજકોટ જિલ્લા જેલ સુપ્રિન્ટેન્ડેન્ટ બન્નો જોશી તથા રાજકોટ પોલીસ કમિશનરશ્રી મનોજ અગ્રવાલ સાહેબના ધર્મપત્ની શ્રીમતી માલિનીબેન અગ્રવાલ હાજરી આપશે. જેઓનું સન્માન કરવામાં આવશે. આ કાર્યક્રમમાં વિવિધ ક્ષેત્રમાં પોતાનું યોગદાન આપનાર પ્રતિભાશાળી મહિલા શકિતઓનું સન્માન કરવામાં આવશે.

સંગીત સંધ્યામાં રમેશભાઈ હીરપરા અને સરસ્વતીબેન હીરપરા સંગીતના સૂર રેલાવશે. કાર્યક્રમને સફળ બનાવવા માટે શ્રી ખોડલધામ મહિલા સમિતિના સુમિતાબેન કાપડિયા, જયશ્રીબેન વરસાણી, રસીલાબેન ગજેરા, રમાબેન ઠુમ્મર, રંજનબેન મેંદપરા, મંજુબેન સાવલિયા સહિતના બહેનો જહેમત ઉઠાવી રહ્યા છે.

(4:07 pm IST)
  • અમેરિકા અને બ્રાઝિલમાં કોરોનાના આંકડા થોડા ઘટવા લાગ્યા, છેલ્લા ૨૪ કલાકમાં બ્રાઝિલમાં ૬૮ હજાર અને અમેરિકામાં ૫૮ હજાર નવા કેસ નોંધાયા: જ્યારે ફ્રાન્સ અને ઇટલીમાં ૨૩ હજાર : ભારતમાં આંકડો સડસડાટ વધીને ૧૮ હજાર પહોંચ્યો છે: ભારતમાં ૨૪ કલાકમાં ૧૦૦ નવા કોરોના મૃત્યુ થયા છે અને ૧૪૦૦૦ સાજા પણ થયા છે, ૨ કરોડ ૯ લાખથી વધુને કોરોના વેકસીન મુકાઈ ગઈ છે : આ ઉપરાંત રશિયામાં ૧૧ હજાર: ઇંગ્લેન્ડમાં ૬ હજાર : યુનાઇટેડ આરબ અમીરાતમાં લગભગ ૩૦૦૦ : કેનેડામાં ૨૩૦૦ તો જાપાન અગિયારસો, સાઉદી અરેબિયામાં ૩૮૨થી લઈને ચીનમાં ૧૩, માટે ઓસ્ટ્રેલિયા ૯ અને હોંગકોંગમાં ૮ નવા કોરોના કેસ છેલ્લા ૨૪ કલાકમાં નોંધાયા છે access_time 12:10 pm IST

  • રાજકોટ શહેરમાં આવતીકાલે ફરી પાણી કાપથી લોકોમાં દેકારો : ન્યારી ફિલ્ટર પ્લાન્ટની સફાઇ કામગીરી કરવાની હોય વોર્ડ નં-2,7,8,10 અને 11માં પાણી કાપ મુકાશે. access_time 9:51 pm IST

  • વડાપ્રધાન નરેન્દ્ર મોદી રવિવારે જન ઔષધિ દિનની ઉજવણીને સંબોધન કરશે અને આ પ્રસંગે ઇંદિરા ગાંધી પ્રાદેશિક આરોગ્ય અને મેડિકલ ઇન્સ્ટિટ્યૂટ, ઉત્તર પૂર્વ, શિલોંગ ખાતે 7500 મુ જન ઔષધિ કેન્દ્ર રાષ્ટ્રને અર્પણ કરશે. access_time 10:40 am IST