Gujarati News

રાજકોટ તા. ૬: શહેર પોલીસ કમિશનર મનોજ અગ્રવાલે જુદા-જુદા પોલીસ મથક, બ્રાંચ અને હેડકવાર્ટરમાં ફરજ બજાવતાં હેડકોન્સ્ટેબલને એએસઆઇ (આસી. સબ ઇન્સ્પેકટર) તરીકે પ્રમોશન આપ્યું છે.

જેને પ્રમોશન મળ્યું છે એ ૧૪ કર્મચારીઓમાં ભકિતનગરના હેડકોન્સ. ફિરોઝભાઇ ઇકબાલભાઇ શેખ, બી-ડિવીઝનના વિરમભાઇ જસાભાઇ ધગલ, યુનિવર્સિટીના શૈલેષપરી ગોસ્વામી, પેરોલ ફરલો સ્કવોડના ધર્મેન્દ્રસિંહ જાડેજા, એ-ડિવીઝનના કે. સી. સોઢા, બી-ડિવીઝનના જીતેન્દ્રભાઇ લક્ષમણભાઇ બાળા, એસીબીના ભગવતીબેન ભેંસદડીયા, હેડકવાર્ટરના પ્રમોદભાઇ જોષી, એ-ડિવીઝનના હરપાલસિંહ ઝાલા, બી-ડિવીઝનના બાદલભાઇ દવે, તાલુકાના કિરીટસિંહ જાડેજા, કુવાડવા રોડના ક્રિપાલસિંહ ચુડાસમા, હેડકવાર્ટરના વિજયભાઇ સોઢા અને અજયભાઇ જાદવનો સમાવેશ થાય છે. આ તમામ હેડકોન્સ્ટેબલને આસી. સબ ઇન્સ્પેકટર તરીકે તેઓ હાલ જ્યાં ફરજ બજાવે છે ત્યાં જ નિમણુંક યથાવત રાખવામાં આવી છે.