Gujarati News

રાજકોટ તા. ૬ :.. લીમડા ચોકમાંથી રાહદારી કે વાહન ચાલકોની જીંદગી જોખમાઇ તે રીતે પુરઝડપે ઇકો કાર લઇને નિકળેલા શખ્સને પ્ર.નગર પોલીસે પીછો કરી ભીલવાસ પાસેથી ઝડપી લીધો હતો.

મળતી વિગત મુજબ પ્રદ્યુમનનગર પોલીસ મથકના પીઆઇ બી. એમ. કાતરીયા, તથા ડી. સ્ટાફના હેડ કોન્સ. મોહસીન ખાન અને અજીતસિંહ પરમાર, તથા રફીકભાઇ સહિત રાત્રે પેટ્રોલીંગમાં હતાં. ત્યારે મોડી રાત્રે લીમડા ચોકમાં પહોંચતા જય મોમાઇ ટી સ્ટોલ વાળી શેરીમાંથી એક ઇકો કાર ચાલક રાહદારીઓ તથા વાહન ચાલકોની જીંદગી જોખમાય તે રીતે પુરઝડપે નીકળતા પોલીસે તેને રોકવા જતા તેણે કાર હંકારી મૂકતા પોલીસે તેનો પીછો કરી ભીલવાસ ચોક પાસે તેને પકડી લીધો હતો. આ બનાવમાં પોલીસે કાર ચાલક મયુરસિંહ સનતસિંહ જાડેજા (ઉ.૩૦) (રહે. ચંદ્રેશનગર ચોક ખોડીયાર ડેરીની સામે અમરનગર સોસાયટી મેઇન રોડ) ની ધરપકડ કરી જીજે-૩-ઇઆર.-૪રર૦ નંબરની ઇકો કાર કબ્જે કરી કાર્યવાહી કરી હતી. (પ-ર૬)