Gujarati News

રાજકોટ,તા. ૬: શહેરનાં વોર્ડ નં. ૩ના અડધા વિસ્તારોમાં વાલ્વ કામગીરી સબબ આવતીકાલે પાણી વિતરણ બંધ રહેશે. તેમ મ્યુ.કોર્પોરેશન દ્વારા સતાવાર જાહેરાત કરવામાં આવી છે. આ અંગે કોર્પોરેશનની સતાવાર યાદીમાં જણાવ્યું હતુ કે, રાજકોટ મહાનગરપાલિકા દ્વારા રેલનગર હેડવર્કસ હેઠળ રેલનગર વિસ્તારમાં જુદી જુદી જગ્યાએ ૬૦૦ મીમી ડાયા વાલ્વ મુકવાની કામગીરી સબબ તા. ૭ જાન્યુઆરી ગુરૂવારના રોજ સેન્ટ્રલ ઝોન અંતર્ગત રેલનગર હેડવર્કસ હેઠળ આવતા વિસ્તારો (વોર્ડ નં. ૩ પાર્ટ)માં પાણી વિતરણ બંધ રહેશે.

કયાં કયાં વિસ્તારોમાં અસર

આવતીકાલે અમૃત રેસીડેન્સી, સંતોષીનગર, શકિત સોસાયટી, નારાયણ નગર, સરદાર પટેલ, સુર્યા પાર્ક, શીતલપાર્ક-૨, શિવ દ્રષ્ટિ, ગંગોત્રી પાર્ક, રાધે પાર્ક, સાંઇબાબા સોસાયટી, રેલનગર-૧, રેલનગર-૨, શેરી નં. ૧થી ૧૪ અર્પણ પાર્ક, નાથદ્વાર સોસાયટી, સાધુવાસવાણી કુંજ, તથા પોપટપરા, સેન્ટ્રલ જેલ સહિતના અડધા વિસ્તારોના પાણી વિતરણની અસર થશે.