Gujarati News

રાજકોટ, તા. ૬ : ગઇકાલે રાજકોટ સહિત રાજયભરમાં બૂથ ઉપર મતદાર યાદી સુધારણા કાર્યક્રમમાં ફોર્મ ભરવા માટે ચૂંટણી પંચની ખાસ સ્પેશયલ ઝુંબેશ હતી, રાજકોટ શહેર-જીલ્લાની ર૬ર૬ મતદાન મથકો ઉપર ખાસ ઝુંબેશને જબરો પ્રતિસાદ મળ્યાનું જીલ્લા ચૂંટણીના નાયબ જીલ્લા ચૂંટણી અધિકારીશ્રી ધાધલે જણાવ્યું હતું.

તેમણે જણાવેલ કે આ વખતે નામ ઉમેરવામાં સવારે ૧૦ થી પ સતત ધસારો રહ્યો હતો. પરિણામે શહેર-જીલ્લામાં નામ ઉમેરવાના ફોર્મ નં. ૬ કુલ ર૯૮૭૧ ભરાયા છે. જેમાં સૌથી વધુ ૭૧-રાજકોટ રૂરલ વિસ્તારમાં ૬૪૭૦ તો સૌથી ઓછા જેતપુર વિધાનસભા બેઠક ઉપર-ર૪૦૭ ફોર્મ આવ્યા છે.

શ્રી ધાધલે ઉમેર્યું હતું કે આ ઉપરાંત નામ કમી ફોર્મ નં.૭, ૧૦૧પ૭, નામ સુધારણા ફોર્મ નં.૮, -૧૦૩૪ર અને સ્થળાંતર ફોર્મ નં. ૮-એ, પ૧૯૬ સાથે શહેર-જીલ્લામાં એક જ દિ'માં પપપ૬૬ ફોર્મ આવ્યા છે.

આ પહેલા રવિવારે ઝુંબેશ થઇ તેમાં નામ ઉમેરણાના ૧ર હજાર ફોર્મ સાથે કુલ ર૪ હજાર ફોર્મ આવ્યા હતા.

આ વખતે ધારાસભા બેઠકવાઇઝ નામ ઉમેરવાના ફોર્મની વિગત જોઇએ તો ૬૮-રાજકોટ-૪૯૯૦, ૬૯-રાજકોટ-૪૦૩૬, ૭૩-ગોંડલ-ર૪૯પ, ૭૪-જેતપુર-ર૪૦૭ અને ૭પ-ધોરાજી-ર૪૮૦ ફોર્મ ભરાયા છે.

હવે તા. ૧રના રવિવારે બૂથ ઉપર ફરી ખાસ ઝુંબેશ થશે અને ૧પમીએ ફોર્મ ભરવા અંગે આખરી દિવસ રહેશે.