Gujarati News

રાજકોટ,તા. ૫: રાજકોટ રેલ્વે વિભાગ ૫ નવેમ્બર  પશ્ચિમ રેલ્વેના ૭૦ માં સ્થાપના દિનની ઉજવણી નિમિત્ત્।ે તેના સમૃદ્ઘ ઇતિહાસ અને ગૌરવપૂર્ણ વારસાને સંપૂર્ણ ઉત્સાહ અને ઉજવણી સાથે ઉજવવામાં આવ્યો હતો.

વધુ માહિતી આપતાં રાજકોટ ડીવીઝનના સિનિયર ડીસીએમ ડી.સી. અભિનવ જેફે જણાવ્યું હતું કે પશ્ચિમ રેલ્વેના ગૌરવપૂર્ણ ભૂતકાળ અને ૭૦ માં સ્થાપના દિન નિમિત્ત્।ે વિભાગના મહત્વપૂર્ણ સ્ટેશનો પર મુસાફરોની માહિતી માટે ટૂંકા વીડિયો અને ઓડિયો સંદેશાઓ પ્રસારિત કરવામાં આવી રહ્યા છે. રાજકોટ, જામનગર, સુરેન્દ્રનગર અને દ્વારકા સ્ટેશનો પર, ડિવિઝન ઓફિસ રાજકોટની ઇમારતો અને હેરિટેજ લોકોમોટિવ લોકોમોટિવ્સને સુંદર લાઇટથી શણગારવામાં આવી છે. રાજકોટ વિભાગીય રેલ્વે મેનેજર, પરમેશ્વર ફનકવાલ, એડીઆરએમ, ગોવિંદપ્રસાદ સૈની અને અન્ય વરિષ્ઠ અધિકારીઓ, રાજકોટના સત્ત્।ાવાર રેસ્ટ હાઉસ ખાતે વૃક્ષારોપણ પણ કરાયું હતું.

વધુમાં શ્રી જેફે જણાવ્યું હતુ કે , સ્થાપના દિન નિમિત્ત્।ે રાજકોટ વિભાગના ઓખા-મોડપુર, કાણલુઇસ-ખંડેરી, ભકિતનગર-વાંકાનેર-મોરબી અને લખતર-વાની માર્ગ વિભાગમાં ગૃહસંભાળ અને સફાઇ કર્મચારીઓને ફેસ માસ્કનું વિતરણ કરાયું હતું. કર્મચારીઓ અને અધિકારીઓ માટે ઓનલાઇન સ્લોગન રાઇટિંગ સ્પર્ધાનું પણ આયોજન કરવામાં આવ્યું છે. સ્થાપના દિનની ઉજવણીની બીજી એક રસપ્રદ રીતમાં, પશ્ચિમ રેલ્વેના તમામ કર્મચારીઓના સત્ત્।ાવાર મોબાઇલ નંબરો પર એક કોલર ટ્યુન 'ધડક-ધડક' વગાડવામાં આવી રહી છે.

પશ્ચિમ રેલ્વેના ૭૦ માં સ્થાપના દિન નિમિત્ત્।ે રાજકોટ વિભાગીય રેલ્વે મેનેજર શ્રી પરમેશ્વર ફૂંકવાલે તમામ રેલ્વે વપરાશકારો અને રેલ્વે પરિવારોને શુભકામનાઓ પાઠવી છે.