Gujarati News

રાજકોટ તા. પ : રાજકોટ જીલ્લા કલેકટર રેમ્યા મોહન અને નાયબ ચૂંટણી અધિકારી તથા ડે. કલેકટર શ્રી ધાંધલે આજે પત્રકારોને વિગતો આપતા જણાવ્યું હતું કે  તા.૧/૧/ર૦ર૧ની લાયકાતની તારીખનાં સંદર્ભે ફોટાવાળી મતદારયાદીની ખાસ સંક્ષિપ્ત સુધારણા-ર૦ર૧-ખાસ ઝૂંબેશ તા. ૯ થી શરૂ થઇ રહી છે.

ભારતનાં ચૂંટણી પંચ તરફથી તા.૧/૧/ર૦ર૧ ની લાયકાતની તારીખના સંદર્ભમાં મતદારયાદીની ખાસ સંક્ષિપ્ત સુધારણાનો કાર્યક્રમ જાહેર કરવામાં આવેલ છે કાર્યક્રમ તા.૯/૧૧/ર૦ર૦ થી તા. ૧પ/૧ર/ર૦ર૦ સુધીનો નિયત થયેલ છે. આ દિવસો દરમ્યાન મતદાર ફોર્મ નં. ૬, ૭, ૮, અને૮-ક સબંધીત વિસ્તારના મદદનીશ મતદાર નોંધણી અધિકારી અને મામલતદારશ્રીની કચેરી ખાતે રજુ કરી શકશે.

કાર્યક્રમ દરમ્યાન ખાસ ઝૂંબેશના દિવસો નકકી કરવામાં આવેલા છે. આ દિવસો દરમ્યાન મતદાર તેમના વિસ્તારમાં આવેલ રહેણાકથી નજીકના મતદાન મથક ખાતે ઉપસ્થિત બુધ લેવલ અફીસરને સવારના ૧૦ થી સાંજના પ કલાક દરમ્યાન ફોર્મ નં. ૬, ૭, ૮, અને ૮-ક આપી શકશે આ ખાસ ઝૂંબેશના દિવસોમાં તા.રર/૧૧/ર૦ર૦, રવિવાર, તા.ર૯/૧૧/ર૦ર૦, રવિવાર, તા. ૬/૧ર/ર૦ર૦ રવિવાર અને તા.૧૩/૧ર/ર૦ર૦, રવિવાર ફાઇનલ કરાયા છે. કુલ રર૩ર મતદાન મથકો ઉપર બીએલઓ બેસશે તેમને સેનેટાઇઝ અને ગ્લોવઝ અપાશે.

ખાસ ઝૂંબેશના દિવસે બુથ લેવલ ઓફીસર જરૂરી ફોર્મ્સ સાથે ઉપસ્થિત રહેશે. મતદારોને તેમના નામ ઉમેરવા, કમી કરવા, સુધારો વધારો કરવા કે સરનામુ બદલવા માટે આ બાબત ઉપયોગી બની રહેશે. આ ૪ દિવસોમાં કોઇપણ બે દિવસ રોલઓઝર્વઝર શ્રી મનીષા ચંદ્રા પણ ખાસ હાજર રહેશે. અને પ્રાંત તથા મામલદારોનું ખાસ ચેકીંગ થશે.

રાજકોટ જિલ્લામાં સમાવિષ્ટ-૮ વિધાનસભા મતદાર વિભાગમાં રોલ મતદાન મથકોમાં મતદાન મથકની સંખ્યા ૬૮-રાજકોટ પૂર્વમાં ર૬૩, ૬૯-રાજકોટ પશ્ચિમમાં ૩૦૮, ૭૦-રાજકોટ દક્ષિણમાં રર૬, ૭૧-રાજકોટ ગ્રામ્ય (અ.જા.)માં ૩૬૭, ૭ર- જસદણમાં ર૬૧, ૭૩-ગોંડલમાં ર૩૬, ૭૪-જેતપુરમાં ર૯૮, ૭પ-ધોરાજી ર૭૧ મતદાન મથકો છે.

ઉકત મતદાન મથકો ખાતે બુથ લેવલ ઓફીસર ખાસ ઝૂંબેશના દિવસો દરમ્યાન ઉપસ્થિત રહી ફોર્મ્સ સ્વીકારશે.

કલેકટરે જણાવ્યું હતું, કે હાલ રાજકોટ શહેર-જીલ્લામાં ર૧ લાખ ૮૭ હજાર પપ-મતદાન મથકો છે, જેમાં રાજકોટ શહેરમાં ત્રણ વિધાનસભાના ૯ લાખ ૮ હજારનો સમાવેશ થાય છે.

મતદારો માટે ઓનલાઇન ફોર્મની ભરવાનું પણ ચાલુ છે. એનએસવીપીની સાઇટ ઉપર ફોર્મ ભરી શકાય છે.

રાજકોટ-શહેર-જીલ્લામાં હાલ કેટલા મતદારો