Gujarati News

Gujarati News

News of Tuesday, 4th May 2021

વાહ... રેમ્યા મોહનજી વાહ.. અભિનંદન...

ખુશ્બુબેન દાવડાએ સીલાઇ, ભરતગૂંથણથી મળેલ આવક લોકસેવા માટે કલેકટરશ્રીને અર્પણ કરી, તેઓએ અનાજ કરીયાણા, દવાના વાઉચર આપી ઉપયોગમાં લેવા જણાવ્યું

રાજકોટ : મોતીકામ ક્ષેત્રે દેશભરમાં નામના ધરાવનાર અને વડાપ્રધાનશ્રી નરેન્દ્રભાઇએ જેમની કલાકારીગીરીને બિરદાવેલ છે તેવા રાજકોટના શ્રીમતી ખુશ્બુબેન આકાશ દાવડાએ જણાવ્યું છે કે કોરોનાની મહામારી સામે આખો દેશ લડી રહ્યો છે. સાથે રાત-દિવસ જોયા વગર સમગ્ર વહીવટી તંત્ર, ડોકટર્સ, પોલીસકર્મીઓ, સફાઇ કામદારો, મીડીયા કર્મીઓ અને સમાજ સેવકો મહેનત કરી રહ્યા છે.

ત્યારે હું અને મારા સાસુ ઘરે સીલાઇ કામ, ભરત, ગૂંથણ વગેરે કરીયે  છીએ. તેમાં જે રકમ મળી છે તે બધી જ રકમ ભેગી કરી અમે રાજકોટ કલેકટરશ્રી રેમ્યા મોહનજીને લોકસેવાના હેતુથી આપવા ગયેલા પરંતુ તે રકમ કલેકટરશ્રી અને એડીશનલ કલેકટરશ્રી પી.બી. પંડયાજીએ અને જે.કે. પટેલજીએ સવિનય ન સ્વીકારી પણ ઉપરાંતમાં અમને સમાજ સેવા માટે જરૂરત મંદોને આપવા માટે અનાજ-કરીયાણા અને દવાના વાઉચર આપ્યા.

હંમેશા લોકોની સેવામાં ખડેપગે રહેનાર અને પ્રજાની લાગણી સમજીને કામ કરનાર આ મહાન નારી શકિતને અધિકારીશ્રીને કોટી કોટી વંદન.

(4:11 pm IST)
  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST

  • આજે ફરી રાજકોટ શહેર - જિલ્લામાં કોરોના ધુણ્યો : આજે સાંજ સુધીમાં રાજકોટ શહેરમાં 593 અને ગ્રામ્યના 133 કેસ સાથે કુલ 726 નવા કોરોના ના કેસ નોંધાયા access_time 7:30 pm IST

  • પશ્ચિમ બંગાળનું સુકાન ત્રીજી વખત સંભાળતા મમતા બેનર્જી.. આજે સવારે તેમણે મુખ્યમંત્રીપદના સોગંદ લીધા તે સમયની તસવીર access_time 11:08 am IST