Gujarati News

રાજકોટઃ  મ્યુ. કોર્પોરેશનમાં વર્ષોથી ખાલી પડેલી સીટી ઇજનેર (સ્પે) જગ્યા માટે આજે સવારે મેયર સહિતના પદાધિકારીઓની બનેલી 'ઓફિસર્સ સિલેકશન કમિટિ' દ્વારા  ઇન્ટરવ્યુ લેવામાં આવ્યા હતા. સીટી ઇજનેરની ૧ જગ્યા માટે ૧૩ તથા ચીફ એકાઉન્ટની ૧ જગ્યા માટે ૧૧ ઉમેદવારોએ ઇન્ટરવ્યુ આપ્યા હતા. આ ઇન્ટરવ્યુમાં સીટી ઇજનેરો-ચીફ એકાઉન્ટનાં ઉમદેવારોને બીપીએમસી એકટની કઇ કલમો હેઠળ કામગરી, રાજકોટ માટે તમારૂ વિઝન , દેશમાં રૂ.૫૦૦ અને રૂ.૧૦૦૦ની ચલણી નોટ કયારથી બંધ કરાઇ? બેંકોની રાષ્ટ્રીય કરણ કયારે કરવામાં આવ્યુ ? મહાનગર પાલિકાનાં પ્રથમ મેયર કોણ સહિતનાં સવાલો પુછયા  હતા. આ ઇન્ટરવ્યુમાં કેટલાક ઉમદેવારોએ જવાબમાં ગલ્લા તલ્લા કર્યા હોવાનું સુત્રો જણાવ્યુ હતુ.