Gujarati News

રાજકોટ તા. ૫: મ્યુ. કોર્પોરેશનમાં વર્ષોથી ખાલી પડેલી સીટી ઇજનેર (સ્પે) જગ્યા માટે અંતે મેયર સહિતના પદાધિકારીઓની બનેલી 'ઓફિસર્સ સિલેકશન કમિટિ' દ્વારા આજે  સવારે ઇન્ટરવ્યુ લેવામાં આવ્યા હતા.

આ અંગેની પ્રાપ્ત માહિતી મુજબ  મ્યુ. કોર્પોરેશનમાં વર્ષોથી સીટી એન્જીનિયર (સ્પે)ની જગ્યા ખાલી પડી હતી. આ જગ્યા માટે આજે સવારે ૧૦ વાગ્યે પદાધિકારીઓની ઓફિસર્સ સિલેકશન કમિટિ ઇન્ટરવ્યુ રાખવામાં લેવામાં આવ્યા છે.

વર્ગ-૧ની રૂ. ૬૭,૭૦૦-૨,૮૦,૭૦૦ના પગાર ધોરણવાળી અને બિનઅનામત કેટેગરીમાં આવતી આ જગ્યા માટે મનોજકુમાર ડો. રામપ્રકાશ શ્રીવાસ્તવ (આર.એમ.સી.) - રાજકોટ, પરેશ ધીરેન્દ્રકુમાર અઢીયા (આર.એમ.સી.) - રાજકોટ, રાકેશકુમાર અરવિંદભાઇ ભલાણી - આર.એમ.સી.) - જૂનાગઢ, હારૂન ઉમરભાઇ દોઢીયા (આરએમસી) - રાજકોટ, ઉપેન્દ્રસિંહ કિરીટસિંહ પરમાર - અમદાવાદ, વીરેન્દ્રકુમાર વી. પટેલ (આર.એમ.સી.) - રાજકોટ, જયેશભાઇ દેવજીભાઇ કુકડીયા (આર.એમ.સી.) - રાજકોટ, પરસોત્તમ અમરશીભાઇ સોલંકી - રાજકોટ, જય મહેન્દ્રકુમાર ઉપાધ્યાય -(આરએમસી) - રાજકોટ, ભરતકુમાર મનુભાઇ બોલાણીયા - (આર.એમ.સી.) - રાજકોટ, યતીનકુમાર મહેન્દ્રભાઇ વંકાણી - રાજકોટ, સંજીવકુમાર એસ. ગુપ્તા (આર.એમ.સી.) - રાજકોટ, વસંત કાનજીભાઇ સિંગલ - વડોદરા વગેરે ઉમેદવારોનાં ઇન્ટરવ્યુ લેવાયા હતા.

આ ઉપરાંત ચીફ એકાઉન્ટન્ટની જગ્યા પણ વર્ષોથી ખાલી છે. આ માટે પણ ગુરૂવારે જ ઓફિસર્સ સિલેકશન કમિટિ દ્વારા ઇન્ટરવ્યુ લેવાયા છે.

વર્ગ-૧ની રૂ. ૬૭,૭૦૦ - ૨,૦૮,૭૦૦ના પગાર ધોરણવાળી બિનઅનામત કેટેગરીની આ જગ્યા માટે જાગૃતિ સંદિપસિંહ ઝાલા - રાજકોટ, હાર્દિક અશોકભાઇ માયાણી - વડોદરા, વરૂણ ભરતભાઇ સોમૈયા - જામનગર, મિતેશ રમણીકભાઇ સુરેલીયા - જામનગર, દેવાંગ રાઘવજીભાઇ વાઘેલા - રાજકોટ, અમિતકુમાર લલીતભાઇ સવજીયાણી - (આર.એમ.સી.) - રાજકોટ, દિનેશકુમાર મોહનભાઇ જેઠવા - રાજકોટ, અજય કાનજીભાઇ તન્ના-ગીર, ધર્મેશ ઉમેદભાઇ ચૌહાણ - રાજકોટ, જગદીશકુમાર જાદવજીભાઇ મોરી - ગીર-સોમનાથ, પૂનમ મોહિતકુમાર પઢારીયા - રાજકોટ વગેરે ઉમેદવારો ઉપસ્થિત રહ્યા હતા.

ઓફિસર્સ સિલેકશન કમિટિમાં મેયર, ડે.મેયર, સ્ટેન્ડીંગ ચેરમેન, શાસક પક્ષ નેતા, વિપક્ષી નેતા એમ પાંચ પદાધિકારીઓ દરેક ઉમેદવારને ૧૦-૧૦ માર્કના પ્રશ્નો આમ કુલ ૫૦ માર્કના પ્રશ્ન પ્રત્યેક ઉમેદવારને પૂછયા હતા.