Gujarati News

રાજકોટઃ તા.૫, ગુજરાત રાજય સંગીત નાટક અકાદમી, ગાંધીનગર દ્વારા સુરશ્રી કલચરલ કલબ,પોરબંદર ના સંકલન થી સૌરાષ્ટ્ર- ગુજરાત માં શાસ્ત્રીય ગાયન, પખાવજ - વાયોલિન જુગલબંદી અને ફિલ્મી ગીત – ગઝલ નો સ્વરાંજસિ કાર્યક્રમ યોજાશે.....ગઝલ સમ્રાટ શ્રી જગજિતસિંઘ અને સુવિખ્યાત સંગીતકાર શ્રી મદન મોહનને સ્વરાંજલી અર્પણ થશે. તા.૬ શુક્રવાર પોરબંદર, તા. ૭   શનીવારે જૂનાગઢ અને તા. ૮ માર્ચ રવિવારે ગાંધીનગર ખાતે કાર્યક્રમો યોજાશે.

ગુજરાત રાજય સંગીત નાટક અકાદમી,ગાંધીનગર દ્વારા સુરશ્રી કલચરલ કલબ, પોરબંદર ના સંયોજન થી શાસ્ત્રીય ગાયન, પખાવજ - વાયોલિન જુગલબંદી અને ફિલ્મી ગીત - ગઝલ નો સ્વરાંજલિ કાર્યક્રમ ૬ થી ૮ માર્ચ ૩ દિવસ પોરબંદર, જૂનાગઢ અને ગાંધીનગર ખાતે યોજાનાર છે.

 ૬ માર્ચ શુક્રવારે રાતે ૮-૩૦ કલાકે બિરલા હોલ,પોરબંદર ખાતે યોજાનાર આ સુરીલા કાર્યક્રમ માં રાજકોટના શ્રી પલાશ ધોળકિયા શાસ્ત્રીય ગાયન પ્રસ્તુત કરશે, ઇન્દોર ના સુવિખ્યાત પખાવજ વાદક શ્રી વિઠ્ઠલ રાજપુરા અને સુવિખ્યાત વાયોલિન વાદક શ્રીમતી પૂર્ણિમા રાજપુરા પખાવજ – વાયોલિન જુગલબંદી પ્રસ્તુત કરશે અને મુંબઈ ના સુપ્રસિદ્ઘ ગાયક બેલડી, પ્લેબેક સિંગર શ્રી સમીર દાંતે અને  સારેગમપ - ૨૦૦૯ ફેમ શ્રી દિપાલી સોમૈયા દાંતે પોતાના મખમલી કંઠ થી  જગજિતસિંઘ અને મદન મોહન ના યાદગાર સુમધુર ગીતો અને ગઝલ પ્રસ્તુત કરશે. આ ગાયક દંપતી ને વાદ્ય સંગીત માં સુર પૂરાવશે રાજકોટનું  ઓરચેસ્ટર  રાજુ ત્રિવેદી  મ્યુઝિકલ મેલોઝ પ્રસ્તુત કરશે.

 આ મનભાવન કાર્યક્રમ માં સંસ્થાના સભ્યો અને નિમંત્રિતો  અકાદમીના  સભ્ય સચિવ   શ્રી જે. એમ.ભટ્ટ અને સૂરી કલચરલ કલબના ચેરમેન શ્રી કિરીટભાઈ રાજપરા એ નિમંત્રણં પાઠવેલ છે.

 આ જ રીતે ૭ માર્ચ શનિવારે જૂનાગઢમાં શામળદાસ ગાંધી ટાઉન હોલ ખાતે રાતે ૮:૩૦ કલાકે અધર ચેરીટેબલ ટ્રસ્ટના સંયોજન અને જૂનાગઢ મહાનગરપાલીકાના સહયોગથી આ મનભાવન કાર્યક્રમનું  આયોજન થયેલ છે.  જેમાં રાજકોટ ના કુ. ધ્વનિ વછરાજાની દ્વારા શાસ્ત્રીય ગાયનની પ્રસ્તુતિ થશે અને ઇન્દોરના શ્રી વિઠ્ઠલ રાજપુરા અને શ્રીમતી પૂર્ણિમા  રાજપરાની પખાવજ - વાયોલિન જુગલબંદી  પ્રસ્તુતિ થશે તેમ  મુંબઈના શ્રી સમીર દાંતે અને દિપાલી સોમૈયા દાંતે જગજિતસિંદ્ય અને મદન મોહનના યાદગાર ગીતો - ગઝલો પ્રસ્તુતિ કરશે.

કાર્યક્રમ શ્રેણીના અંતિમ સોપાન ૮ માર્ચ રવિવારે સાંજે ૭ વાગે ગાંધીનગર ખાતે આ મનભાવન કાર્યક્રમ યોજાનાર છે.  જેમાં ઉપરોકત તમામ કલાકારો પોતાની કલા દ્વારા શ્રોતાઓને ડોલાવશે. આ ત્રિદિવસીય સંગીત સમારોહ ના આયોજનમાં અકાદમી ના અધ્યક્ષ શ્રી પંકજભાઈ ભટ્ટનું વિશેષ માર્ગદર્શન પ્રાપ્ત  સહયોગ મળ્યો છે. આ ત્રિદિવસીય સંગીત સમારોહમાં કલા રસિક શ્રોતાઓને  અકાદમીના સભ્ય સસિવ શ્રી જે. એમ. ભટ્ટ અને સમગ્ર સમારોહના  સંયોજન શ્રી કિરીટભાઈ રાજપરાએ નિમંત્રણ પાઠવેલ છે.