Gujarati News

રાજકોટ, તા. ૪ : વાવાઝોડુ 'ઓખી'ની અસરથી આજથી બુધવાર સુધીમાં સૌરાષ્ટ્ર-ગુજરાતમાં ૫ થી ૭ સે.મી. (૨ થી ૩ ઈંચ) વરસાદ પડશે. જેમાં વેરાવળથી અમદાવાદ પટ્ટી અને ભાવનગરથી અમદાવાદ સુધી તથા દક્ષિણ ગુજરાત, મધ્ય ગુજરાત અને ઉત્તર ગુજરાતના પૂર્વ ભાગોમાં માવઠુ થશે. બાકીના સૌરાષ્ટ્ર-કચ્છમાં ઝાપટાની શકયતા છે તેમ વેધરએનાલીસ્ટ શ્રી અશોકભાઈ પટેલએ જણાવ્યુ છે.

તેઓએ વધુમાં જણાવ્યું કે અતિ તિવ્ર વાવાઝોડુ ''ઓખી'' આજે બપોરે ૧ વાગ્યે ૧૫ ડિગ્રી નોર્થ અને ૬૯ ઈસ્ટ ઉપર કેન્દ્રીત હતંુ. જે સૌરાષ્ટ્રના દરિયા કિનારાથી ૬૫૦  કિ. મી. દક્ષિણ - દક્ષિણ પશ્ચિમ ઉપર હતું. સિસ્ટમ્સના પવનો ૧૨૦ અને ઝાટકાના પવનો ૧૪૦ કિ. મી. (પ્રતિ કલાક)ની ઝડપે ફૂંકાય છે. આ સિસ્ટમ્સ હવે ઉત્તર - ઉત્તર - પૂર્વ તરફ ગતિ કરશે અને આવતા ૧૨ કલાકમાં નબળુ પડી ત્યારબાદ ક્રમશઃ સિસ્ટમ્સ નબળી પડતી જશે અને આવતીકાલે સાંજ સુધીમાં મુંબઈથી ૧૦૦ કિ.મી. પશ્ચિમે પસાર થઈ જશે. ત્યારે આ સિસ્ટમ્સ નબળી પડી ડિપડિપ્રેશનની માત્રામાં પહોંચી જશે. ત્યારબાદ આગળ ચાલી અને સૌરાષ્ટ્ર અને દક્ષિણ ગુજરાતની વચ્ચે પહોંચશે. બાદ લોપ્રેસર તરીકે લેન્ડફોલ થશે. (તા.૬ ડિસેમ્બર સવાર સુધીમાં)

આ સિસ્ટમ્સના અનુસંધાને વાદળસમુહો મોજુદ છે અને તા.૪ થી ૬ ડિસેમ્બર વચ્ચે સૌરાષ્ટ્ર - ગુજરાતમાં ઝાપટાથી માંડી અને ૫ થી ૭ સે. મી. (બે થી ત્રણ ઈંચ) સુધી વરસાદ પડી શકે. જેમાં વેરાવળથી અમદાવાદ અને ભાવનગરથી અમદાવાદ સુધીનો ભાગ દક્ષિણ ગુજરાત, મધ્ય ગુજરાત તેમજ ઉત્તર ગુજરાતનો પૂર્વ ભાગમાં ઝાપટાથી પાંચથી સાત સે. મી. બાકીના સૌરાષ્ટ્ર-કચ્છમાં ઝાપટાની શકયતા છે.

આ સિસ્ટમ્સનો મુખ્ય વરસાદ સિસ્ટમ્સ દરિયામાં હશે ત્યાં સુધીમાં વરસી ગયો હશે. હાલમાં પ્રવર્તતા પવનથી સિસ્ટમ્સ નજીક આવતી જશે તેમ પવન ૪૦ થી ૬૦ કિ.મી.ની ઝડપે ફંુકાશે. હવામાન ખાતાની સુચનાને અનુસરવું.