Gujarati News

રાજકોટ તા. ૪: કાવત્રુ ઘડી ઠગાઇ કરવાના ઓગણીસ વર્ષ પહેલાના ગુનામાં એક આરોપી પ્રદિપ મગનલાલ સોનપાલ (ઉ.વ.૫૫)ની કોલકત્તા હાવરાથી રાજકોટ શહેર ક્રાઇમ બ્રાંચે ધરપકડ કર્યા બાદ હવે તેના પત્નિ જયશ્રીબેન પ્રદિપભાઇ સોનપાલ (ઉ.વ.૫૨)ની પારેવડી ચોકથી ધરપકડ કરી છે.

આ બંને તથા અન્ય બે આરોપીઓ મળી ચાર જણા સામે ગાંધીગ્રામમાં એક તથા ભકિતનગર પોલીસ સ્ટેશનમાં ઠગાઇના બે ગુના મળી કુલ ત્રણ ગુના નોંધાયા હતાં. બોગસ કુલમુખત્યારનામુ ઉભુ કરી તેના આધારે બેંકોમાંથી લોન લઇ ઠગાઇ કરવાનો આરોપ હતો. પીઆઇ વી. કે. ગઢવી, પીએસઆઇ એમ. વી. રબારી, જયુભા, દિગુભા, પ્રતાપસિંહ, એભલભાઇ, ગાયત્રીબા ગોહિલ, નેહલબેન મકવાણા, મહેન્દ્રસિંહ જાડેજા સહિતે આ કાર્યવાહી કરી હતી.