Gujarati News

Gujarati News

News of Thursday, 4th March 2021

મહાશિવરાત્રીએ મેયર - ડે.મેયર અને સ્ટેન્ડીંગ સભ્યો (ચેરમેન)ની વરણી : ૧૧મી પ્રમુખ સ્વામી ઓડીટોરીયમમાં જનરલ બોર્ડ બોલાવતા ઉદીત અગ્રવાલ : કોરોના ગાઈડલાઈનનું ચુસ્ત પાલન કરાવાશે

રાજકોટ : મહાનગરપાલિકાના ચૂંટાયેલા કોર્પોરેટરશ્રીઓની મૂદત તા. ૧૪-૧૨-૨૦૨૦ ના રોજ પૂર્ણ થતા ચૂંટણી પંચ દ્વારા તા.૨૧--૨૦૨૧ના રોજ મ્યુનિ. કોર્પોરેટરશ્રીઓની ચૂંટણી હાથ ધરવામાં આવેલ હતી. તા. ૨૩--૨૦૨૧ના રોજ મત ગણતરી હાથ ધરવામાં આવ્યા બાદ ચૂંટણી પંચ દ્વારા ચૂંટાયેલા ઉમેદવારોના નામ ધી ગુજરાત ગવર્નમેન્ટ ગેઝેટમાં પ્રસિધ્ધ કરવામાં આવેલ છે. મ્યુનિસિપલ કોર્પોરેશનની સામાન્ય ચૂંટણી બાદ ચુંટાયેલા કોર્પોરેટરશ્રીઓની પ્રથમ બેઠક મ્યુનિસિપલ કમિશનરશ્રી દ્વારા બોલાવવાની હોય છે.

રાજકોટ શહેરમાં કોરોનાની પરિસ્થિતિને ધ્યાને લઇ સોશિયલ ડિસ્ટન્સ જળવાય તે હેતુથી મ્યુનિસિપલ કમિશનરશ્રીએ રાજકોટ શહેરના કુલ ૧૮ વોર્ડના ૭૨ કોર્પોરેટરશ્રીઓની પ્રથમ બેઠક તા.૧૧ના શિવરાત્રીના ગુરૂવારે સવારે ૧૧ વાગ્યે શ્રી પ્રમુખ સ્વામી ઓડીટોરીયમ ખાતે મેયરશ્રી, ડેપ્યુટી મેયરશ્રીની ચૂંટણી તેમજ સ્ટેન્ડિંગ કમિટીના બાર સદસ્યશ્રીઓની નિમણૂંક કરવા બોલાવેલ છે. જેની નોટિસ દરેક કોર્પોરેટરશ્રીઓને મોકલી આપવા મ્યુનિસિપલ સેક્રેટરીને સૂચના આપવામાં આવેલ છે. નોંધનીય છે કે જાહેર રજાના દિવસે બોર્ડ બેઠક યોજાશે.

(5:32 pm IST)
  • બ્રાઝિલ અને અમેરિકામાં ફરી કોરોના કેસોમાં ઉછાળો આવ્યો: ભારતમાં પણ અચાનક કેસો વધીને ૧૭ હજારને વટી ગયા: બ્રાઝિલમાં ૭૪ હજાર: યુએસએમાં ૬૬ હજાર: ફ્રાન્સ ૨૬ હજાર: ઈટાલી ૨૦ હજાર: ભારત ૧૭ હજાર નવા કેસ, ૮૯ નવા કેસ, ૧૪ હજાર સજા થાય, ગઈ રાત સુધીમાં ૧૫ હજાર નવા કેસ નોંધાયેલ: જર્મની અને રશિયા ૧૦ હજાર: ઇંગ્લેન્ડ ૬ હજાર, કેનેડા ૨૮૦૦: યુનાઇટેડ આરબ અમીરાત ૨૭૦૦, સાઉદી અરેબિયા ૩૩૧: જ્યારે ચીનમાં ૧૦ ઓસ્ટ્રેલિયા ૧૧ અને હોંગકોંગમાં ૧૪ નવા કોરોના કે આજ સવાર સુધીમાં નોંધાયા છે access_time 10:53 am IST

  • સ્વીડનમાં આઠ લોકોને છૂરી હુલાવી દેવાઇ: હુમલો કરનાર ઝડપાઈ ગયો: ત્રાસવાદી હુમલો થયાનું મનાય છે access_time 1:14 am IST

  • જે સીડી પર ચડીને જિંદગીના સૌથી ઉંચા મુકામ પર પહોંચ્યા છીએ શું તેને પાડી દેવી યોગ્ય છે : કોંગ્રેસના વરિષ્ઠ નેતા સલમાન ખુર્શીદે જી-23ના નેતાઓને લખ્યો ખીલ્લો પત્ર : પૂછ્યું કે શું તેઓ પક્ષ બદલવાનો વિચાર કરે છે ? : ખુર્શીદે ઉક્ત નેતાઓને કહ્યું કે આપણે વર્તમાનમાં યોગ્ય સ્થાન શોધવાની બદલે તેના પર ચિંતન કરવું જોઈએ કે ઇતિહાસ એમને કેવી રીતે યાદ રાખશે access_time 12:36 am IST