Gujarati News

Gujarati News

News of Thursday, 4th March 2021

તા. ૧૦ થી ૧પ વચ્ચે જિલ્લા પંચાયતના નવા સુકાનીઓની ચૂંટણી : ર૦ મી આસપાસ બજેટ અને સમિતિઓની રચના

પ્રમુખ તરીકે ભૂપત બોદર નકકી : ઉપપ્રમુખ પદ મહિલાને અપાય તેવી શકયતા

રાજકોટ, તા. ૪ : જિલ્લા પંચાયતના નવા ચૂંટાયેલા સભ્યોના નામ એક-બે દિવસમાં ગેઝેટમાં પ્રસિધ્ધ થઇ જશે. ત્યારબાદ પ્રમુખ, ઉપ્રમુખની ચૂંટણી માટે એજન્ડા બહાર પડશે. સરકાર ૬ કોર્પોરેશનની જેમ બજેટ મંજુર કરવાની ૩૧ માર્ચ સુધીની મુદત ન લંબાવે તો નવી ચુંટેલી પાંખે શાસન સંભાળીને તુરત બજેટ મંજુરીની કાર્યવાહી કરવાની રહેશે.

પંચાયતના સુત્રોના જણાવ્યા મુજબ સોમવાર સુધીમાં વિકાસ કમીશનરના આદેશ મુજબ જિલ્લા વહીવટી તંત્ર નવા સુકાનીઓની ચૂંટણી માટે એજન્ડા બહાર પાડે તેવી પ્રબળ શકયતા છે. એજન્ડા બહાર પડયાના દિવસ અને સુકાનીઓની ચુંટણીના સમયગાળા વચ્ચે ઓછામાં ઓછા ચોખ્ખા ૬ દિવસ હોવા જરૂરી છે. તા. ૮ આસપાસ એજન્ડા બહાર પડે અને તા. ૧૦ થી ૧પ માર્ચ વચ્ચે સુકાનીઓની ચૂંટણી થઇ જાય તેવા સંજોગો છે. ત્યારપછી સમિતિઓની વરણી અને બજેટ માટે સાથે અથવા અલગ-અલગ સામાન્ય સભા બોલાવવાની જરૂર પડશે. ગયા વખતની કારોબારીએ બજેટ મંજુર કરેલ. સામાન્ય સભાએ પડતર રાખ્યું હતું. હવે બજેટ બાબતે આગળનો ર્નિય નવી શાસક પાંખે લેવાનો રહે છે. પંચાયતની સામાન્ય સભા તા. ર૦ આસપાસ મળે તેવા હાલના સંજોગો છે.

જિલ્લા પંચાયતના નવા પ્રમુખ તરીકે ભૂપત બોદર નિશ્ચિત જણાય છે. ઉપપ્રમુખ પદ મહિલાને અપાય તેવી શકયતા છે. કારોબારી અધ્યક્ષ પદ અન્ય જ્ઞાતિને અપાશે. ૧૧ સભ્યો સાથે કોંગ્રેસ વિપક્ષમાં બેસશે.

(4:23 pm IST)
  • ગુજરાતના રાજયપાલ આચાર્ય દેવવ્રતે આજે કોરોના વેક્‍સીન લીધી access_time 4:42 pm IST

  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST

  • સ્વિસ બેડમિંગટન ઓપનમાં પીવી સિંધુની શાનદાર શરૂઆત : પ્રિ-ક્વાર્ટર ફાઇનલમાં પહોંચી : પીવી સિંધુએ તુર્કીની ખેલાડીને 42મિનિટની રમતમાં 21-16, 21-19થી હરાવી પ્રથમ દૌરનો મુકાબલો જીત્યો access_time 12:30 am IST