Gujarati News

Gujarati News

News of Wednesday, 3rd March 2021

પ્રહલાદ પ્લોટમાં ક્રાઇમ બ્રાંચનો ઘરમાં દરોડોઃ વરલી રમાડતાં પિતા-પુત્ર ઝડપાયા

૧૪૮૨૦ રોકડા, ૧૭ મોબાઇલ, ૧૯ ચિઠ્ઠીઓ કબ્જેઃ પુત્ર પાસેથી દારૂ મળતાં અલગથી ગુનોઃ પીએસઆઇ વી. જે. જાડેજા અને ટીમની કાર્યવાહી

રાજકોટ તા. ૩: પ્રહલાદ પ્લોટ-૨૭માં રહેતાં મહેન્દ્ર ઉર્ફ મનુભાઇ હરખચંદ ખેતાણી (ઉ.વ.૭૨) અને તેનો પુત્ર નૈમિષ (ઉ.વ.૩૪) ઘરમાં વરલી ફીચરના આંકડા પર જૂગાર રમાડતાં હોવાની બાતમી એએસઆઇ જે. વી. નિમાવત, રાજદિપસિંહ ગોહિલ અને હેડકોન્સ. મહેન્દ્રસિંહ જાડેજાને મળતાં દરોડો પાડી બંનેને પકડી લઇ ૧૯ ચિઠ્ઠીઓ, બે બોલપેન, રોકડા રૂ. ૧૪૨૮૦ તથા અલગ-અલગ કંપનીના આધાર પુરાવા વગરના ૧૯૨૦૦ના ૧૭ મોબાઇલ ફોન મળી આવતાં તે શકપડતી મિલ્કત તરીકે કબ્જે લીધા હતાં. નૈમિષના ખાનામાંથી હન્ડ્રેડ પાઇપર્સ દારૂ આશરે ૨૦૦ એમએલ મળતાં તે પણ કબ્જે કરી તે અંગે અલગથી ગુનો નોંધાયો હતો.

પોલીસના કહેવા મુજબ વૃધ્ધ મનુભાઇ અગાઉ એ-ડિવીઝન પોલીસમાં બે વખત જુગારના ગુનામાં પોલીસ ચોપડે ચડી ચુકયા છે. હાલમાં પિતા-પુત્ર બંને વરલીનો જૂગાર રમતાં પકડાયા છે. મોબાઇલ ફોન પોતાને રિપેર કરતાં આવડતાં હોઇ રિપેરીંગના હોવાનું નૈમિષે કહ્યું હોઇ પોલીસ તે અંગે ખરાઇ કરી રહી છે.

પોલીસ કમિશનરશ્રી મનોજ અગ્રવાલ, જેસીપી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજા, એસીપી ક્રાઇમ ડી. વી. બસીયાની સુચના અને પીઆઇ વી. કે. ગઢવીના માર્ગદર્શન હેઠળ પીએસઆઇ વી. જે. જાડેજા, એએસઆઇ જે. પી. નિમાવત, ચેતનસિંહ ચુડાસમા, રાજદિપસિંહ ગોહિલ, હિતેન્દ્રસિંહ ઝાલા, મહેન્દ્રસિંહ જાડેજા, ભરતસિંહ પરમારે આ કામગીરી કરી હતી.

(4:36 pm IST)
  • સ્પેનિશ બોક્સિંગ ટુર્નામેન્ટમાં મેરીકોમ અને અમિત પંઘાલ સહીત 12 ભારતીયો ક્વાર્ટર ફાઇનલમાં પહોંચ્યા : આ ટુર્નામેન્ટમાં ભારતના ટોકિયો ઓલમ્પિક કોટા હાંસલ કરનારા તમામ 9 બોક્સર ઉપરાંત પાંચ અન્ય મુક્કેબાજ પણ ભાગ લઇ રહ્યા છે access_time 12:44 am IST

  • વિધાનસભામાં બજેટ રજૂ કરતા નીતિન પટેલ : ગાંધીનગર : નાયબ મુખ્‍યમંત્રી શ્રી નીતિનભાઇ પટેલ આજે ગુજરાત વિધાનસભા ખાતે વર્ષ ૨૦૨૧-૨૦૨૨નું અંદાજપત્ર રજૂ કરવા આવી પહોંચ્‍યા એ વેળાની તસ્‍વીર. access_time 12:11 pm IST

  • ટેક્સ બચાવવા વાળા પર સરકારની છે બાજનજર : પકડાઈ જશો તો 10 વર્ષની જેલ અને 300 ટકા દંડ :કાળાનાણાં સામે ઇન્કમટેક્સ વિભાગ કરશે કાર્યવાહી : બ્લેકમની કાયદા હેઠળ 400થી વધુ લોકો સામે કાર્યવાહી કરવા ઇન્કમટેક્સ ડિપાર્ટમેન્ટની તૈયારી access_time 12:24 am IST