Gujarati News

Gujarati News

News of Wednesday, 2nd December 2020

અભયભાઈ ભારદ્વાજને રાજકોટ બાર એસોસીએશનની શ્રધ્ધાંજલીઃ અભયભાઈ ભિષ્મ પિતામહ જેવુ સ્થાન ધરાવતાઃ બકુલ રાજાણી

રાજકોટ, તા. ૨ :. પ્રખર ધારાશાસ્ત્રી અભયભાઈ ભારદ્વાજનું દુઃખદ નિધન થતા રાજકોટ બાર એસોસીએશને ઉંડા દુઃખની લાગણી વ્યકત કરી શ્રધ્ધાંજલી અર્પી છે.

રાજકોટ બાર એસોસીએશનના પ્રમુખ બકુલભાઈ રાજાણીએ જણાવ્યુ છે કે રાજ્યસભાના સાંસદ, લો કમિશન ઓફ ઈન્ડીયાના સભ્ય, રાજકોટ બાર એસોસીએશનના ભૂતપૂર્વ પ્રમુખ અને રાજકોટના સીનીયર એડવોકેટ અભયભાઈ ભારદ્વાજ વકીલો માટે ભીષ્મ પિતામહ જેવુ સ્થાન ધરાવતા. અભયભાઈ ભારદ્વાજે અનેક વકીલોને માર્ગદર્શીત કરી જ્યુડીશીયલ ક્ષેત્રે મહત્વની જગ્યા હાઈકોર્ટના જજ, ડીસ્ટ્રીકટ જજ, સીવીલ જજ, જ્યુડીશીયલ મેજીસ્ટ્રેટ ફર્સ્ટ કલાસની પોસ્ટ શોભાવેલ છે. ઉપરાંત અભયભાઈ ભારદ્વાજના માર્ગદર્શન હેઠળ તૈયાર થયેલા એડવોકેટ, ડીસ્ટ્રીકટ ગવર્મેન્ટ પ્રીડર, આસિસ્ટન્ટ ગવર્મેન્ટ પ્રીડર, પબ્લિક પ્રોસીકયુટર તેમજ વિવિધ કંપનીના લીગલ એડવાઈઝર તરીકે મોભાનું સ્થાન ધરાવે છે.

બકુલભાઈ રાજાણીએ વધુમાં જણાવેલ કે અભયભાઈ ભારદ્વાજનું અવસાન થતા કદી ન પુરાય તેવી ખોટ પડી છે. રાજકોટ બાર એસોસીએશન, તમામ હોદેદારો, કારોબારી સભ્યો શ્રધ્ધાંજલી અર્પણ કરેલ છે.

(2:51 pm IST)
  • બોલીવુડ અભિનેતા અને ગુરદાસપુરના ભાજપના સાંસદ સની દેઓલનો હિમાચલ પ્રદેશના કુલ્લુ જિલ્લામાં કોરોના પોઝિટિવ રિપોર્ટ આવ્યો છે : રાજ્ય આરોગ્ય સચિવ : સની દેઓલ છેલ્લા મહિનાથી હિમાચલ પ્રદેશમાં હતો access_time 12:04 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10-30 વાગ્યા સુધીમાં કોરોનાના નવા 32,407 કેસ નોંધાયા:કુલ કેસની સંખ્યા 94,95,661 થઇ :એક્ટીવ કેસ 4,28,390 થયા : વધુ 38,355 દર્દીઓ સ્વસ્થ થતા કુલ 89,26,950 રિકવર થયા :વધુ 431 લોકોના મોત સાથે કુલ મૃત્યુઆંક 1,38,090 થયો access_time 12:15 am IST

  • અત્યારે મોડી રાત્રે બુરેવી વાવાઝોડું તોફાની પવન સાથે શ્રીલંકાના સાગર કાંઠા ઉપર ત્રાટકી ચૂક્યું છે અને હવે ભારતના તામિલનાડુના દરિયાકાંઠાથી પસાર થશે વિગતોની રાહ જોવાઈ ગઈ છે access_time 12:13 am IST