Gujarati News

રાજકોટ, તા., રઃ મહા વાવાઝોડાના સંકટ અને વરસાદી વાતાવરણ હોવાથી તકેદારીના પગલારૂપે રાજકોટ યાર્ડના સતાધીશોએ મગફળીની આવક બંધ કરવાની જાહેરાત કરી છે તેમજ કપાસની હરરાજી ઉભા વાહનમાં જ કરવાનો નિર્ણય લેવાયો છે.

વાવાઝોડા અને વરસાદને કારણે ખેડુતોનો માલ ન બગડે અને મુશ્કેલીનો સામનો ન કરવો પડે તે માટે યાર્ડના વાઇસ ચેરમેન હરદેવસિંહ જાડેજાએ વેપારી અગ્રણીઓ અને કમીશન એજન્ટો સાથે મીટીંગ યોજી  મગફળીની આવક બંધ કરવાનું નક્કી કરાયું હતું. યાર્ડ દ્વારા બીજી જાહેરાત કરવામાં ન આવે ત્યાં સુધી કોઇ ખેડુતોએ મગફળીનો જથ્થો લઇ આવવું નહી. તેમજ કપાસની આવક રવિવારે રાત્રીના ૯ વાગ્યાથી કરવા દેવામાં આવશે અને કપાસની હરરાજી ઉભા વાહનમાં જ કરવામાં આવશે તેમ યાર્ડના વાઇસ ચેરમેન હરદેવસિંહ જાડેજાએ જણાવ્યું છે.